Informe IUNE 2023

O pasado verán publicouse o Informe 2023 do Observatorio IUNE, que ten como obxectivo a análise global da actividade científica e investigadora das universidades, tanto públicas como privadas, do Sistema Universitario Español no período 2012-2022.

Unha das partes máis interesantes do informe son os indicadores relativos á actividade investigadora das universidades, que se distribúen en cinco grandes grupos: produtividade, colaboración (nacional e internacional), impacto da investigación (citas recibidas e documentos non citados), visibilidade (porcentaxe de publicacións no primeiro cuartil e nas 3 primeiras revistas de cada disciplina) e acceso aberto. Para a súa elaboración, úsase como fonte de información a plataforma Web of Science e os seus principais índices de citas.

Como cada ano, extraemos do informe os datos relativos á actividade investigadora da UDC ao longo do período analizado, que presentamos nas seguintes táboas de elaboración propia.

Vemos un aumento significativo na década que abrangue o informe dos indicadores relativos as publicacións por profesor, a colaboración internacional e as publicacións en acceso aberto.  

A continuación mostramos a evolución da posición da UDC no ranking nas distintas categorías respecto ao informe de 2022, en negriña destacamos os campos nos que a universidade mellorou a súa posición e en vermello aqueles nos que a empeorou.

Mellora o seu posto en aspectos como as citas por profesor, colaboracións internacionais, o número de publicacións no primeiro cuartil, e o número de publicacións editadas en revistas situadas no top 3 das distintas categorías dos citation index de WoS (en termos relativos); neste último eido a UDC destaca situándose na sétima posición. Porén, empeora lixeiramente a súa posición nos indicadores de publicacións por profesor e na colaboración a nivel nacional.

Desde a edición de 2022, o informe incorpora indicadores da actividade investigadora emerxente, con información extraída do Emerging Sources Citation Index de Web of Science. Mostramos nunha táboa os datos relativos á nosa universidade.

Respecto ao informe do ano pasado, a UDC mellora lixeiramente a súa posición en catro dos cinco indicadores de actividade científica emerxente, como se pode ver na seguinte táboa.

Podedes consultar o informe completo nesta web, onde teredes a posibilidade de ampliar a información relativa á UDC, filtrar os datos por áreas de investigación ou acceder á información da actividade investigadora do resto de universidades españolas.

Informe IUNE 2022

IUNE 2022

 

Vénse de publicar a nova versión do Observatorio IUNE cos datos da actividade investigadora das universidades españolas públicas e privadas, baseados en catro grandes indicadores: produtividade, colaboración, impacto da investigación e visibilidade. O informe do 2022 presenta os datos que abarcan do ano 2011 ata o 2020, ambos os dous incluídos. Na mesma páxina web, pódese consultar a metodoloxía empregada.

Presentamos os datos de rendemento da UDC nestes indicadores, coa fin de ver a súa evolución grazas á comparación cos informes precedentes.

IUNE 2022	PRODUCCIÓN CIENTÍFICA	PUBLICACIÓNS /prof.-Prof.ª	CITAS DE PUBLICACIÓNS	CITAS /prof-	PUBLICACIÓNS EN  1º CUARTIL	PUBLICACIÓNS NO TOP3	COLABORACIÓN NACIONAL	COLABORACIÓN INTERNACIONAL
2011	498	0,54	12190	13,34	198 (41.68 %)	42 (8.84 %)	164 (32.93 %)	166 (33.30 %)
2012	528	0,55	19978	20,72	226 (44.75 %)	35 (6.93 %	168 (31.82 %)	179 (33.90 %
2013	572	0,58	10133	10,31	267 (48.81 %)	41 (7.50 %)	186 (32.52 %)	194 (33.90 %)
2014	529	0,56	9459	10,05	227 (44.86 %)	34 (6.72 %)	166 (31.38 %)	197 (37.20 %)
2015	682	0,73	10723	11,55	319 (48.93 %)	69 (10.58 %)	216 (31.67 %)	279 (40.90 %)
2016	688	0,75	13521	14,78	316 (47.88 %)	75 (11.36 %)	224 (32.56 %)	300 (43.60 %)
2017	697	0,76	8237	9,01	329 (49.33 %)	79 (11.84 %)	240 (34.43 %)	288 (41.30 %)
2018	761	0,85	12358	13,79	391 (53.34 %)	90 (12.28 %)	269 (35.35 %)	304 (39.90 %)
2019	885	0,99	6989	7,79	448 (51.73 %)	96 (11.09 %)	341 (38.53 %)	384 (43.30 %)
2020	954	1,06	3841	4,29	444 (47.33 %)	70 (7.46 %)	318 (33.33 %)	437 (45.80 %)
TOTAL	6794		107429		3165	631	2292	2728
PROMEDIO	679,40	0,74		11,56	47.86 %	9.46 %	33.45 %	39.30 %

 

Nalgúns casos, nos últimos anos prodúcese unha diminución de valores, non relacionada cun descenso do impacto senón coa proximidade temporal da produción científica analizada. Un reconto posterior ofrecerá valores comparables.

A seguinte táboa resume a o posto que ocupa a Universidade en relación co resto de universidades españolas nos rankings estudados:    

 

IUNE 2022	PRODUCCIÓN CIENTÍFICA	PUBLICACIÓNS /prof.-Prof.ª	CITAS DE PUBLICACIÓNS	CITAS /prof.	PUBLICACIÓNS EN  1º CUARTIL	PUBLICACIÓNS NO TOP3	COLABORACIÓN NACIONAL	COLABORACIÓN INTERNACIONAL
2022	36	46	35	46	36	34	34	37
2021	31	38	33	35	41	20	29	32
2020	35	43	37	42	35	34	34	36

 

Os números en vermello indican os puntos onde baixou a posición. Polo xeral, esta baixada non é demasiado indicativa, dada a proximidade temporal dos datos analizados, especialmente no que concerne ás citas, e ao comportamento do resto das universidades, que provoca fluctuacións dun ano para outro.

Este ano recóllense tamén as publicación en acceso aberto, onde a UDC ocupa o posto 37. As súas publicación en aberto van subindo cada ano:

IUNE 2022	Publicacións en acceso aberto
2011	126
2012	139
2013	178
2014	179
2015	225
2016	293
2017	279
2018	354
2019	454
2020	541
TOTAL	2768
PROMEDIO	38,67

 

O informe IUNE estuda tamén: 

·        O profesorado nas universidades.

·        O recoñecemento: premios nacionais e sexenios obtidos. 

·        A actividade científica emerxente.         

·        A innovación: o número de patentes, o importe de contratos I+D e consultorías, o importe facturado por prestación de servizos, os ingresos xerados por licenzas, o número de extensións PCT e spin-off. 

·        A competitividade, co reconto dos proxectos nacionais e europeos. 

·        A financiación, a través dos ingresos xerados pola investigación e os ingresos liquidados por operacións non financeiras. 

·        A capacidade formativa: o número de becas FPI, FPU, de contratos Juan de la Cierva, de contratos Ramón y Cajal e de teses defendidas.