PROPIEDADE INTELECTUAL (E III): ACORDO CRUE-CEDRO

"Should Universities Opt Out of Access Copyright? by Giulia Forsythe. CC BY-NC-SA 2.0

Na Asemblea Xeral de CRUE do pasado mércores 16, as universidades ratificaron o acordo entre a Conferencia de Reitores e CEDRO (tras máis de 10 anos de negociacións) de fixación da contía a aboar polos contidos (extractos de libros, revistas, etc.) subidos polas universidades aos seus campus virtuais. CEDRO solicitaba entre 7.5 e 8 millóns de euros; finalmente acórdouse o pago de 3 millóns anuais por dereitos de autor.

O apartado 4 do artigo 32 da Lei de Propiedade Intelectual (LPI), introducido pola reforma de 2014 e que entrou en vigor en novembro de 2015, inclúe a nova excepción de uso de materiais na aula virtual. Antes de esa modificación, a situación non estaba amparada por una excepción legal, o que deu lugar a varios xuizos de CEDRO contra universidades españolas (Carlos III de Madrid, de Barcelona e Autónoma de Barcelona) nos que se lles condenaba –por piratería , en palabras de CEDRO- ao pago de indeminizacións por vulneración de dereitos de autor nos seus campus virtuais.

Pasamos a análizar os requisitos establecidos polo art. 32.4 da LPI, cos puntos máis destacados en letra grosa e as explicacións entre corchetes:

Semana do acceso aberto 2013

Do 21 ao 27 de outubro de 2013, terá lugar en todo o mundo a Open Access Week, un evento anual que promociona as iniciativas que se están a desenvolver para poñer a disposición, libre e gratuíta, contidos científicos, académicos, patrimoniais ou informativos. Nesta semana, diferentes institucións organizan diversas actividades para dar a coñecer a importancia do acceso aberto e para impulsar que a produción científica das entidades públicas sexa ofrecida públicamente. 

Un exemplo das actividades que se realizarán é a mesa redonda “Acceso abierto en España: servicios, proyectos, resultados”, que organiza a Biblioteca Nacional de España en colaboración coa CRUE. Desde REBIUN e FECYT tamén están a organizar actos e a preparar recursos: a páxina que mantén o Grupo de traballo de repositorios REBIUN recolle actividades nacionais convocadas nas diferentes universidades e organismos de investigación. Pódense consultar máis eventos na Agenda de la Semana del Acceso Abierto 2013 en España e aquí: http://www.openaccessweek.org/events

Recordámosvos que na UDC contamos co repositorio institucional RUC, o repositorio de acceso aberto creado para difundir e preservar a documentación dixital derivada da actividade investigadora, docente e institucional dos nosos membros. E na páxina da Biblioteca temos tamén información sobre o acceso aberto e diversos recursos como listaxes de repositorios de documentos en acceso aberto, open data e materiais docentes.

RECORTES E REITORES

Os reitores das universidades non acudiron á reunión do Consello de Universidades que se tiña que levar a cabo este mércores, 23 de maio. A razón foi que o Ministerio de Educación non fixo caso á súa petición de incluir na orde do día do encontro, o debate do Real decreto lei de abril, de medidas urxentes de racionalización do gasto público no ámbito educativo. Aquí tedes o comunicado da CRUE onde se dá máis información. Neste eido, o Claustro da UDC aprobou o 15 de maio pasado, unha declaración en defensa da universidade pública, presentada polo reitor, Xosé Luís Armesto, logo de a consensuar previamente, na que se recollen os seguintes puntos:
- A educación universal, pública e de calidade é un dereito fundamental, base da formación de persoas libres e críticas e dunha cidadanía responsable.
- A oposición á suba do custo das matrículas universitarias.
- Pide que se retiren os mecanismos propostos para revisar a dedicación docente, por seren ineficaces e constituíren unha ameaza para a calidade da formación e da investigación.
- Reclama un financiamento público necesario para que a UDC poida converxer coas universidades do entorno europeo coas que se a compara.
- Pide a participación da comunidade universitaria e da sociedade na defensa do dereito fundamental á educación e á mellora do sistema universitario como servizo público esencial garante da democracia e da cohesión social.
- Comprométese a introducir as medidas necesarias para acadar un mellor rendemento social dos fondos públicos investidos na universidade.
O golpe na mesa xa tuvo as súas consecuencias: a última hora de onte xoves, despois da Conferencia Sectorial de Educación cos representantes das comunidades autónomas, Wert rectificou e comprometeuse a convocar aos reitores, para mellorar e aplicar as reformas, según informa hoxe La Opinión de A Coruña.