Na Asemblea Xeral de CRUE do pasado mércores 16, as universidades ratificaron o acordo entre a Conferencia de Reitores e CEDRO (tras máis de 10 anos de negociacións) de fixación da contía a aboar polos contidos (extractos de libros, revistas, etc.) subidos polas universidades aos seus campus virtuais. CEDRO solicitaba entre 7.5 e 8 millóns de euros; finalmente acórdouse o pago de 3 millóns anuais por dereitos de autor.
O apartado 4 do artigo 32 da Lei de Propiedade Intelectual (LPI), introducido pola reforma de 2014 e que entrou en vigor en novembro de 2015, inclúe a nova excepción de uso de materiais na aula virtual. Antes de esa modificación, a situación non estaba amparada por una excepción legal, o que deu lugar a varios xuizos de CEDRO contra universidades españolas (Carlos III de Madrid, de Barcelona e Autónoma de Barcelona) nos que se lles condenaba –por piratería , en palabras de CEDRO- ao pago de indeminizacións por vulneración de dereitos de autor nos seus campus virtuais.
Pasamos a análizar os requisitos establecidos polo art. 32.4 da LPI, cos puntos máis destacados en letra grosa e as explicacións entre corchetes:
Tampouco necesitarán a autorización do autor ou editor os actos de reprodución [p.ex. fotocopias, ficheiros pdf] parcial [non de toda a obra], de distribución e de comunicación pública [posta a disposición do alumno do material na aula virtual] de obras ou publicacións, impresas ou susceptibles de selo, cando concorran simultaneamente as seguintes condicións::
- Que tales actos leven a cabo unicamente para a ilustración con fins educativos e de investigación científica [excepción para a docencia, pero tamén para a investigación]
- Que os actos se limiten a un capítulo dun libro, artigo dunha revista ou extensión equivalente respecto dunha publicación asimilada, ou extensión asimilable ao 10 por cento do total da obra, resultando indiferente a estes efectos que a copia leve a cabo a través dun ou varios actos de reprodución [non se poderá subir á aula virtual un capítulo -ou repartir as súas fotocopias- e, máis adiante, outro capítulo]
- Que os actos se realicen nas universidades ou centros públicos de investigación, polo seu personal e cos sus medios e instrumentos propios [non vale para campus virtuais non creados e levados pola universidade].
- Que concorra, polo menos, unha das seguintes condicións:
- [a primeira refírese a ensinanza presencial]
- Que só os alumnos e o persoal docente ou investigador do centro no que se efectúe a reprodución parcial da obra poidan ter acceso á mesma a través dos actos de comunicación pública autorizados no presente apartado, levándose a cabo a posta a disposición a través das redes internas e pechadas ás que unicamente poidan acceder eses beneficiarios ou no marco dun programa de educación a distancia ofertado polo devandito centro docente [a excepción abrangue ás universidades a distancia e aos títulos a distancia ofertados polas universidades]
Conclusións, dúbidas e problemas:
- O acordo non é una barra libre para que calquera alumno poida descargar libros enteiros
- Vantaxes e inconvenientes: a nova excepción legaliza o uso dos materiais na aula virtual, evitando preitos como os da UC3M, UAB e UB, que conlevaron indemnizacións de 7,5 euros por alumno. Pero a lei esixe o pago dunha remuneración, cuxa cuantía fixouse no acordo: 3 millóns de euros anuais, que corresponden a menos de 3 euros por alumno e ano. É una cantidade importante, pero CEDRO pedía entre 7.5 e 8 millóns, 5 euros por alumno.
- Non se paga por obra empregada, senon unha tarifa plana por alumno
- A quén representa CEDRO; esta entidade non respondeu á petición da CRUE sobre a lista de autores aos que di representar
- A qué autores paga CEDRO a remuneración: ningún investigador di haber recibido cantidades por este concepto
- Segundo a CRUE, a execepción é una "mala interpretación" da directiva europea
- As universidades pagan 130 millóns de euros anuais por recursos electrónicos; neste importe xa se conceden numerosos dereitos de propiedade intelectual sobre os contidos: prodúcese un dobre pago
- e triplo pago en caso de artigos de investigadores da propia universidade
No hay comentarios:
Publicar un comentario