Comezouse cun curso titulado "A biblioteca dixital da UDC" con versións para alumnos e para Persoal Docente e Investigador (PDI).
A seguinte actuación foi a constitución dun Grupo de traballo dedicado á formación de usuarios. Froito do seu traballo xurdiu o curso "Formación de usuarios" do que se impartiron múltiples sesións e do que fíxose unha versión adecuada ao PDI.
A continuación, e dada a obligatoriedade do traballo de fin de grao para poder egresar, comezáronse a realizar sesións do curso titulado Recursos e utilidades para o traballo de fin de grao, sesións que tamén se adaptaron ao PDI cun curso orientado á dirección destes traballos de fin de grao.
Outro dos aspectos nos que se viu a necesidade de impartir formación foi a preparación das teses doutorais, para o que se organizou o curso "Como se fai unha tese", curso que, como o resto, séguese a realizar. A Escola Internacional de Doutoramento encargounos unha versión ampliado do curso para o seu programa de formación, o cal se titulou "Desde a investigación na tese doutoral ata as políticas de publicación científica".
Pola necesidade de formar ao PDI na medida do impacto da investigación elaborouse o curso ISI vs. Scopus, a métrica da información. Neste curso estúdanse os indicadores que nos ofrecen ambas bases de datos, pero tamén outros indicadores, como as altmetrics e as recentes snowball metrics.
Doutra banda, desde o Servizo de biblioteca da UDC creouse un Grupo de traballo de apoio á investigación co obxectivo de formar ao PDI nestes temas e de implementar nas bibliotecas un
servizo que cubra as necesidades dos investigadores. Preparouse un curso virtual na contorna Moodle, do que se vai realizar a segunda edición, co título Estratexias para incrementar a visibilidade e o impacto dos resultados da investigación. O curso é teórico-práctico, con talleres aos investigadores en tódolos centros universitarios.
Na actualidade desde a sección de información estase a traballar na confección de dous cursos sobre as novas tendencias no apoio á investigación, un é o titulado "A métrica da información: indicadores tradicionais vs. alternativos", e o segundo será o dedicado os Current Research Information Systems e que leva por título "Os Sistemas de Información da Investigación en Curso (CRIS)".
No hay comentarios:
Publicar un comentario