Xornada “Cultura impresa na rede: gratis total?”

O venres, 8 de marzo de 2013, terá lugar no Consello da Cultura Galega a Xornada "Cultura impresa na rede: gratis total?
O obxectivo da xornada é crear un marco para a análise dos retos presentes e futuros da industria cultural -en concreto, da xornalística dixital e do libro- así como un espazo para o diálogo entre o contorno académico e o profesional de ambos os sectores. Dos catro relatores seleccionados, tres -Alastair Mackie do Financial Times, Julio Miravalls de El Mundo en Orbyt e Ramón Alonso de Kiosko y Más- explicarán como os seus respectivos medios están a implementar estratexias de pago por contidos na Internet a través dos seus novos modelos de negocio. Os temas principais que se abordarán serán a evolución dos subscritores/ingresos, estratexias de mercadotecnia e publicidade, estratexias a través das redes sociais e a disposición a pagar pola información.

Para a análise do futuro da industria do libro a través dos novos soportes dixitais (sobre todo iPad e eBook), o programa contará con Juan Triviño, editor e especialista en edición dixital. O relator explicará as transformacións e retos que está a afrontar esta industria e os novos modelos de negocio dixitais emerxentes.
Aquí tedes o programa completo e o formulario de inscrición con máis información.