Horizonte 2020 é o
programa marco de investigación e innovación da Unión Europea. No período
2014-2020, e mediante a implantación de tres piares, contribuirá a abordar os
principais retos
sociais, promover o liderado
industrial en Europa e reforzar a excelencia da súa base
científica.
Como informan no blog
de Gredos da Universidade de Salamanca, tras a adopción deste programa,
lanzouse o Piloto
de datos abertos de investigación en Horizonte 2020, que pretende mellorar
e maximizar o acceso e a reutilización dos datos de investigación xerados polos
proxectos, en beneficio da sociedade e a economía.
Pediuse aos investigadores dos proxectos participantes no
programa piloto que fagan que todos os datos subxacentes necesarios para validar
os resultados presentados en publicacións científicas, e outras información científicas,
estean dispoñibles para ser usados por outros investigadores, industrias e
cidadáns.
Ademais dos datos de investigación e os datos subxacentes,
tamén son obxectivo do programa os datos indicados polos investigadores en Data
Management Plans (DMPs). DMPs é un elemento que describe a xestión do ciclo
de vida de todos os datos que sexan recolectados, procesados ou xerados polo
proxecto de investigación. Todos os proxectos en Horizonte 2020 serán invitados
a desenvolver un DMP, de forma voluntaria, se é relevante para a súa
investigación.
Destacamos que todas as publicacións científicas resultantes
dos proxectos financiados por Horizonte 2020 serán de acceso
aberto obrigado: os artigos deberán estar accesibles nun repositorio de
acceso aberto non máis tarde dos 6 meses seguintes á súa publicación (12 meses
para artigos de ciencias sociais e humanidades).
Máis información:
- Horizon 2020
- EsHorizonte2020: portal en español deste programa
- Eventos Horizonte 2020 na UDC
No hay comentarios:
Publicar un comentario