Hai uns
días, os periódicos daban conta do próximo regreso a
Galicia do físico Diego Martínez Santos.
En 2013, o mesmo día no que se
lle denegaba un contrato Ramón y Cajal, coñecíase que fora galardoado co premio da Sociedade Europea de Física (EPS) ao
mellor físico de partículas novo do ano. Dicía entón o científico focense que “el
rechazo de la beca no es tan sorprendente… [hay] pocas
plazas y normalmente se otorgan a investigadores con más edad”, aínda que engadía que “lo que sí
es sorprendente es lo que escriben en el informe… [dicen] que mis resultados
están por debajo del nivel medio internacional que se requiere para mi edad y
que me falta liderazgo internacional”, xa que entón dirixía un grupo de análise de medidas no CERN e fora
seleccionado polo organismo como un dos mellores
candidatos para obter un posto permanente tras ser o actor principal nun experimento do acelerador de partículas LCH, sobre as
desintegracións dunha
partícula chamada mesón B, cuxas conclusións reafirmaban o modelo estándar de física de
partículas. En 2014 volvéuselle a denegar o contrato
Ramón y Cajal.
Tras recibir o galardón da EPS, Diego xa
indicaba que a pesar da súa escasa contía económica (1.000 euros) ese tipo de premios “ayuda
mucho para para que te den una Starting Grant del ERC” (European Research Council), bolsa que concede un millón e medio de euros para que mozos investigadores con talento e
potencial acreditado poidan desenvolver durante 5
anos un proxecto de
investigación excelente nunha organización de situada
na Unión Europea. E a finais do ano pasado, cando
obtivo a subvención da ERC, afirmaba que «A
Starting Grant é como gañar a Champions, e unha Ramón y
Cajal é como gañar a liga» e tivo claro que ía regresar a
Galicia. Cando se lle preguntou se ía acollerse ao novo programa da Xunta para captar talento, dixo que era unha opción.
Este 10 de marzo, converteuse no primeiro investigador en acollerse
ao plan galego de captación
de talento Oportunius [1], tras chegar a un acordo coa Consellería de Economía e Industria. «Eu retorno a
Galicia porque conseguín os 1,5 millóns de euros, pero tamén podería pasar que a
metade do programa, se aquí non vira posibilidades de futuro, me marchase de
novo para outro sitio. Por iso penso que o Oportunius
é unha boa oportunidade para que me quede en Galicia, porque se me ofrece unha
estabilidade».
[1] O programa
Oportinius, que pretende seguir os pasos da Institució Catalana de Recerca i Estudis Avançats
(ICREA)
y
de
Ikerbasque
na “atracción
de investigadores de excelencia y la recuperación de talento, ofrece a
través do seu Itinerario 1 para gañadores dunha Starting Grant “un marco laboral estable, segundo o réxime determinado na Lei da
Ciencia, a través dun contrato de Investigador
Distinguido, para facilitar o correcto desenvolvemento
da súa carreira
investigadora.”
No hay comentarios:
Publicar un comentario