Nas últimas entradas do blog falamos da clasificación dos recursos de
información no sitio web da BUDC en coleccións dixitais e recursos
gratuítos dispoñibles en internet, entre os que se atopan os materais en acceso
aberto. Os recursos tamén poden agruparse por tipoloxía documental, e así
falamos de bases de datos, revistas e libros electrónicos, etc.
Ahora imos tratar das revistas electrónicas, deixando os
restantes para máis adiante.
Ao introducir o tema das revistas electrónicas soen aparecer
unha serie de problemas ou cuestións básicas. Por exemplo, no apartado “Economics of Scholarly Publishing” da
última edición do Scholarly Communication Toolkit
empréganse as expresións "serials crisis” e "big deal".
A crise das publicacións seriadas é o resultado dunha serie de factores:
- As universidades pagan dúas veces polos seus artigos: unha cando financian as investigacións e outra cando teñen que comprar os xornais que publican os resultados das mesmas
- Os problemas dese dobre gasto o aumentan en época de crise, cando os orzamentos das bibliotecas diminúen mentras o prezo dos xornais segue subindo
- O paso do papel ao formato electrónico non supuso unha desaceleración de esa suba de prezos. Ao contrario, seguiron crecendo no marco dun mercado oligopolístico dominado por cinco grandes empresas -Big five- con capacidade para fixar os prezos
Para evitar estes problemas de gasto excesivo e para
favorecer o desenvolvimento da ciencia xurde o movemento
internacional de acceso aberto. O sistema de publicación en acceso aberto
está consolidado, conta co respaldo de declaracións internacionais e políticas
públicas e ofrece dúas vías:
- Vía verde: publicación en repositorios
- Vía dourada: publicación en revistas en acceso aberto. Listaxe de revistas que pasaron de ser de pago a ser OA
Tendo en conta o anterior, pasamos a describir a
organización das revistas electrónicas na web da Biblioteca:
- Revistas electrónicas da colección dixital:
- dá acceso e información aos portais dos editores de revistas contratadas
- permite a busca por título ou por materia
- ofrece guías e titoriais
- Revistas en acceso aberto
- dá acceso e información aos portais dos editores
- novos tipos de revistas en acceso aberto
- Revistas en papel
- Revistas editadas polo Servizo de Publicacións
- Listaxe A-Z de revistas electrónicas
No hay comentarios:
Publicar un comentario