As
Guías Temáticas (Fiador) son unha selección de recursos de
información relacionados cos ámbitos temáticos de docencia e investigación da universidade.
Os seus destinatarios son principalmente os estudantes, profesores e
investigadores da UDC.
Antes de profundizar
nestas guías é necesario enmarcalas no ámbito da referencia virtual, servizo que mediante o empleo das tecnoloxías da información permite a comunicación do usuario co bibliotecario, en calquera momento e lugar, para a satisfacción
das súas necesidades formativas e informativas. Existen diversas modalidades de
ofrecer este servizo: dende a recopilación de recursos de interese (como o caso das guías, para cuxa
elaboración un dos sistemas de xestión máis coñecidos é Libguides) ata a
posibilidade de contactar co bibliotecario en tempo real a través de chats ou
correo electrónico (por exemplo, o proxecto Question Point).
Centrándonos
xa nas guías da nosa biblioteca, foron elaboradas polos bibliotecarios da universidade
mediante o software libre SubjectsPlus, implementado polo CBUG para a organización dos recursos electrónicos
das tres universidades galegas.
As guías
permiten a clasificación dos recursos por ámbito
(as cinco grandes áreas científicas), materia
(graos ou especialidades de cada centro) ou tema (guías específicas de tipoloxías documentais ou cuestións
concretas).
As dos
ámbitos científicos as elabora o persoal bibliotecario da Sección de
Información do Servizo de Biblioteca, mentres
que as guías de materia ou tema son
responsabilidade das bibliotecas de centro. En ambos casos, o persoal as
mantén actualizadas, incorporando ademáis as suxerencias do profesorado.
Fiador
estrutúrase sobre dous elementos fundamentais: as guías e os recursos.
Cada guía contén os elementos seleccionados
agrupados por tipo de recurso (bases de datos, portais temáticos, blogs…), así
como os datos de contacto dos bibliotecarios especializados na materia.
Os recursos
poden localizarse dentro das guías, en listaxes alfabéticas ou no buscador de recursos, situado
na parte superior dereita da interface de Fiador.
Cada
recurso vai acompañado dunha breve descrición e dunhas iconas á súa esquerda
que indican o tipo de recurso, modo de acceso, existencia de manuais de uso,
etc.
Fiador
localiza e agrupa dende bases de datos subscritas pola BUDC ata recursos en
acceso aberto, pero non revistas electrónicas ou libros electrónicos
de pago, polo que a páxina, ademáis dos dous compoñentes principais (guías
e recursos), inclúe dous formularios de busca destes recursos. A maiores, a incorporación
dun formulario para “Buscar no catálogo” fai de Fiador un localizador de
tódolos recursos (electrónicos e impresos) da biblioteca da UDC.
No hay comentarios:
Publicar un comentario