Neste post daremos unha pequena visión sobre aspectos xerais
que atinxen ás bibliotecas da UDC, como os puntos de servizo de que consta,
persoal ou normativa.
A Biblioteca Universitaria da UDC conta en total con dezasete
puntos de servizo:
- O Servizo de Biblioteca: trátase da biblioteca central da UDC. Ocúpase da coordinación dos procesos técnicos e dos servizos ao usuario e, en xeral, de planificar e implantar todas as actividades necesarias para garantir o bo funcionamento do sistema bibliotecario.
- Catro bibliotecas intercentros: Biblioteca de Socioloxía e Ciencias da Comunicación, Biblioteca Universitaria de Oza (Ciencias da Saúde), Biblioteca da Casa do Patín e Biblioteca da Facultade de Ciencias Económicas e Empresariais.
- Doce bibliotecas de centros: Biblioteca da ETS de Arquitectura, Biblioteca da EU de Arquitectura Técnica, Biblioteca da ETS de Camiños, Canais e Portos, Biblioteca da Facultade de Ciencias, Biblioteca da Facultade de Ciencias da Educación, Biblioteca da Facultade de Dereito, Biblioteca da Facultade de Filoloxía, Biblioteca da Facultade de Ciencias do Deporte e Educación Física, Biblioteca da Facultade de Informática , Biblioteca da ETS de Naútica e Máquinas, Biblioteca da EU Politécnica e Biblioteca da Escola Politécnica Superior.
O fin de tódalas bibliotecas é poñer a disposición dos
usuarios recursos de información
para dar soporte ao estudo, á docencia e á investigación. Estes recursos son aproximadamente
853.450 libros, 110.328 ebooks e 49.662 documentos
noutros formatos, como mapas, microformas, DVD, etc. Conta tamén con 9.231 revistas en papel e 24.596 en formato dixital, ademáis de dar
acceso a 59 bases de datos que cubren tódalas disciplinas científicas.
O horario
xeral de atención ao público é de 08.30 a 21.30, de luns a
venres, que pode verse reducido en periodos de vacacións.
En canto ó persoal, son 101 os bibliotecarios que atenden aos usuarios dende
os diferentes puntos de servizo. Neste directorio
podedes consultar un listado do persoal de tódalas bibliotecas coas súas
correspondentes direccións de correo electrónico e extensións telefónicas.
Por último, en canto á normativa pola que se rixe a biblioteca
temos o Regulamento do Servizo de Biblioteca
da Universidade da Coruña. Destacaremos de cara ao usuario uns documentos
normativos que poden ser de gran interese:
Tamén é importante a Carta de dereitos e deberes
dos usuarios da Biblioteca da Universidade da Coruña, encamiñada á mellora
da calidade do seu servizo, dando resposta ás
necesidades e expectativas dos usuarios.
Nela recóllense os dereitos e deberes que teñen os usuarios, así como os canles
de participación dos que dispoñen para colaborar na mellora da prestación do
servizo.
No hay comentarios:
Publicar un comentario