O BIBLIOTECARIO COMO ASESOR DOS INVESTIGADORES

A Biblioteca da Universidade da Coruña organiza un curso "O bibliotecario como asesor de investigadores: que debe coñecer o bibliotecario para prestar apoio ós investigadores?, dirixido ao personal das bibliotecas dos seus centros.
O curso será impartido por Tomás Baiget, e pretende formar aos técnicos nas novas tendencias da edición científica, e tamén impulsar as vías de publicación en aberto; por outro lado, quérese incidir no uso de ferramentas tecnosociais para impulsar a presencia de bibliotecas e investigadores na rede.
O curso celebrarase na Coruña os días 13 e 17 de decembro, cunha duración de 8 horas, e forma parte do Plano de formación integral do PAS da UDC.

CURSOS DE FORMACION DE USUARIOS

Achégate á información!
O Grupo de Traballo de Formación de Usuarios do Servizo de Biblioteca da Universidade da Coruña organiza uns cursos os días 1, 2 e 3 de decembro nos Campus de A Coruña e de Ferrol destinado aos usuarios da biblioteca.
O obxetivo principal de ditas xornadas é a adquisición de competencias no uso dos recursos que dispón a nosa biblioteca universitaria.
Impartirase polo persoal das distintas bibliotecas en modalidade semipresencial, cunha duración de 10 horas, 6 presencias e 4 horas on-line a través da plataforma Moodle do Campus Virtual. Realizarase na Coruña en quendas de mañá ou de tarde, dúas horas cada día das 11.00 ás 13.00 e das 18.00 ás 20.00; para Ferrol teremos unha quenda de tarde dás 16.00 ás 18.00. Si a demanda é moita faranse outras quendas nos días 8 e 9 de decembro.
Os asistentes recibirán un certificado co recoñecemento dun crédito de libre configuración.
Podedes atopar o formulario de inscripción na páxina web do Servizo de Biblioteca da UDC.
Para máis información non dudedes en chamar á Sección de Información e Referencia ós seguintes teléfonos de contacto: 981 167 000, nas extensións 5663 (edición A Coruña) e 3602 (edición Ferrol).
Animádevos¡

EL QUIJOTE DIXITAL

Fai unhas semanas que se presentou na Biblioteca Nacional de España unha estupenda edición dixital de El Quijote. Este libro interactivo é un proxecto que permite un achegamento innovador á primeira edición da obra cumio de Cervantes, conservada nos fondos da Biblioteca Nacional de España. Grazas a esta iniciativa é posible gozar do Quixote coma se tivese o libro nas súas mans, ao tempo que se pode acceder a contidos multimedia que axudan a contextualizar a obra. Entre outras cousa podese ver en vídeo El retablo de Falla, unha galería de documentos efímeros sobre a obra ou una mapa dos recorridos do fidalgo, con imáxenes da súas aventuras e da súa caída.
O libro fíxose coa dixitalización a moi alta calidade dos exemplares que conserva a BNE da primeira edición do Quixote: a de Madrid de 1605 e a de Madrid de 1615; arredor desta construíuse este portal interactivo con contidos procedentes de 43 edicións distintas do Quixote e doutras 21 obras máis, todas pertencentes á BNE.
E unha ledicia pasear polas suas páxinas orixinais, é tamén leelo na transcipción actual.

Factor de Impacto

O investigador desexa que o seu traballo sexa publicado en revistas u noutros medios que lles proporcione a máxima difusión e visibilidade. A súa consecución constitúe mérito nos procesos de avaliación polas axencias nacionais xa sexa para obter a necesaria acreditación cara ó acceso á carreira docente na universidade, para recoñecemento de sexenios, ou avalar proxectos de investigación.

Dende que E. Garfield ideou o índice de impacto empregado para as revistas da WOK, vense sucedendo diversas fórmulas -índice de inmediatez, índice h, cuartil,etc…- que que se foron adaptando á dinámica de publicación científica dos países ou determinadas áreas temáticas. É o caso de iniciativas nacionais, coma IN-RECS, IN-REJS, -que acaban de publicar os índices de impacto do ano 2009- DICE, RESH,MIAR, AGAUR, Scimago Journal, na súa maioría volcadas na análise das revistas españolas de Ciencias Sociales, Humanísticas e Xurídicas; ou internacionais coma LATINDEX ou ERIH, de ámbito xeográfico iberoamericano e europeo respectivamente.

A todos estos índices podedes acceder para a súa consulta a través da nosa páxinarecentemente actualizada. No blogroll atoparedes algunha dirección de indicadores bibliométricos como o do Grupo EC3.

E de sumo interese, o curso de acceso aberto impartido na plataforma virtual docente da Universidade Complutense de Madrid.