Xornadas 'De cerca'

A Biblioteca da Facultade de Ciencias da Educación da Universidade da Coruña co-organiza o 22 e o 23 de abril unhas xornadas tituladas “De cerca” que terán lugar no auditorio da Facultade a partir das 16.15 h.

O seu obxectivo é dar información sobre a participación da UDC na Rede Internacional de Universidades Lectoras e as posibilidades que brinda tal asociación para a nosa comunidade universitaria. Completarán este obxectivo con accións e actividades que poñan en valor o mundo do libro, da lectura e da escrita e os seus axentes (editoras, bibliotecas, autores/as, lectores/as…). Exemplo destas actividades son as exposicións ‘Baixo cuberta’ e ‘Retratando libros’.

Os ponentes serán escritores, docentes, xornalistas, bibliotecarios e lectores: Ángel Gabilondo, Andoni Calderón Rehecho, Héctor Pose, Anxo Fariña, María Solar, Tonhito de Poi, Consuelo Bautista, Quico Cadaval e FernandoVázquez.

Cada un dos días sortearase un lote de libros.

A matrícula é de balde e pode apuntarse calquera persoa interesada. Inscricións en mdoval@udc.es ou na propia Biblioteca.

Tedes máis información no programa das Xornadas e en bibedu.blogaliza.org.