A métrica da información, curso de formación na Biblioteca Universitaria

Aproveitando o curso de formación sobre a métrica de información que a Biblioteca Universitaria vai impartir o vindeiro 17 de outubro, dirixido sobre todo a persoal docente e investigador, queremos facervos unha pequeña introdución do que nel poderedes aprender.

Os principais recursos de pagamento que tratará son a Web of Knowledge (WoK) e Scopus.

WoK é a plataforma de consulta do Institute for Scientific Information (ISI), grupo integrado en Thomson Reuters, que abrangue, entre outros, os seguintes produtos: os índices de citas Arts & Humanities Citation Index, Science Citation Index Expanded, Social Sciences Citation Index, e o Journal Citation Reports (JCR). Este último proporciona un medio obxectivo para determinar a relevancia das revistas (factor de impacto), frecuencia das citas dunha revista, as revistas en que foi citada, etc. 

Scopus é unha base de datos multidisciplinar que contén unha grande cantidade de revistas publicadas por miles de editores internacionais. Inclúe patentes e web sites integradas, así como dous métricas de factor de impacto da investigación: Scimago Journal Rank (SCR) e SNIP (Source-normalized impact Paper).

Tamén se falará doutras ferramentas gratuítas como Google Scholar Metrics, Microsoft Academic Search ou CiteSeerX. 

Consulta aquí o programa completo do curso e inscricións.