O 22 e 23 de maio tiveron lugar en Barcelona as XII
Xornadas CRAI “MOOCs y CRAIs: el futuro ya es presente”.
Estas xornadas tiñan como obxectivo principal reflexionar,
profundar e debater sobre o papel e a función que os CRAIs – Centros de
Recursos para a Aprendizaxe e a Investigación (bibliotecas, servizos de
informática e servizos audiovisuais) poden xogar na produción de MOOCs nas
universidades españolas.
Os MOOCs
(Massive Online Open Courses, traducido como cursos en liña masivos e abertos)
son unha modalidade de educación aberta que ofrece cursos gratuítamente a
través de plataformas educativas en internet. A súa filosofía é liberar
coñecementos para que este chegue a un público máis amplo.
Para que a ensinanza a distancia poda ser considerada MOOC,
debe cumprir os seguintes requisitos:
- Ser un curso: cunha estrutura orientada á aprendizaxe, con probas ou avaliacións para acreditar o coñecemento adquirido.
- Ter carácter masivo: o número de posibles matriculados é ilimitado e o seu alcance é global.
- En liña: realízase a distancia, a través de internet.
- Aberto: os materiais están accesibles de forma gratuíta en internet.
Exemplos de plataformas que ofrecen MOOCs son:
Internacionais:
En español:
- Miriada X
- Tutellus (na que está presente a Universidade de Vigo)
- UniMOOC
No hay comentarios:
Publicar un comentario