Os recursos de información na Biblioteca da UDC, parte 2: as bases de datos

As bases de datos son ferramentas que almacenan e facilitan o acceso, mediante a realización de buscas, a grandes cantidades de información científica. Tal información provén de publicacións especializadas: revistas, monografías, actas de congresos, teses de doutoramento, etc. Nalgúns casos dan acceso aos textos completos; noutros, só aos resumos dos documentos.

En función da información que queiramos recuperar, hai que ter en conta dúas características:

• A súa temática ou área de coñecemento na que se clasifica a información que ofrece; moitas son multidisciplinares, polo que poderemos atopar información relacionada con varios campos.
• A súa relevancia, que se mide en función da cantidade e calidade das publicacións que ten indexadas.

A BUDC está subscrita a, aproximadamente, medio centenar de bases de datos de diferentes materias, organizadas alfabeticamente ou segundo a súa temática; tamén están accesibles desde o catálogo da Biblioteca.

As bases de datos multidisciplinares de pago máis importantes son:

• CSIC (ámbito español)
• Web of Science (ámbito internacional)
• Scopus (ámbito internacional)