A Biblioteca
Municipal de Estudos Locais da Coruña, inaugurada en 1991, puxo en marcha
un proxecto de dixitalización
dunha selección dos seus fondos
en colaboración co Ministerio de Cultura. Seleccionáronse documentos dos
séculos XVII ao XX relacionados coa historia de Galicia e da Coruña:
- publicacións menores: bandos, ordenanzas, regulamentos, instrucións ou boletíns
- obras de historia de Galicia de López Ferreiro, Martínez Salazar ou Benito Vicetto.
- obras de autores destacados para a cultura galega como Manuel Murguía, Sánchez Bregua, Alfredo Brañas ou Valentín Lamas Carvajal.
- “Establecementos coruñeses da primeira metade do século XX”
A Secretaría Xeral de
Cultura da Xunta de Galicia facilitou medios técnicos
para a integración do fondo en Galiciana a través dun “micrositio”.
En total dixitalizáronse 134 obras que suman 18.440 imaxes.
Na Coruña só hai esta
biblioteca ou colección dixital en sentido estrito, o Fondo
Local A Coruña (da Biblioteca de Estudos Locais). Conforme se vai reducindo o ámbito xeográfico,
hai menos bibliotecas deste tipo, polo coste da infraestrutura tecnolóxica que supón para as administración correspondentes,
e o menor fondo a dixitalizar.
Pero se consideramos os grandes servizos bibliotecarios da
cidade, hai que ter en conta un gran número de bibliotecas híbridas, que
poderían considerarse dixitais en sentido amplo. Como bibliotecas híbridas,
destacan polos servizos en liña, non polos fondos dixitalizados.
O novo portal das Bibliotecas Municipais da Coruña, coordinadas polo Servizo Municipal de Bibliotecas, dispón dunha sección 2.0. A rede municipal, aínda que se integra na rede de bibliotecas públicas de Galicia, está na web separada das bibliotecas nodais, ao contar sistemas de xestión bibliotecaria e portais diferentes. A existencia dunha rede municipal permite a das bibliotecas especializadas, como a de Estudos Locais, a Infantil e Xuvenil, a do Ágora ou a do Forum Metropolitano, entre outras. É esa especialización a que posibilitou o desenvolvemento da única biblioteca dixital da cidade, a biblioteca dixital de Estudos Locais da Coruña, integrada como colección en Galiciana.
A portal
da rede non ten unha colección
electrónica (só acceso a libros electrónicos a través de eBiblio e GaliciaLé) pero si moitos e mellorados servizos
dixitais: redes, sociais, clubes de lectura na nube, blogs temáticos, de clubes de lectura, da bebeteca, guías de recomendacións, información exhaustiva e clasificada dos sevizos na sección Usa as Bibliotecas, e tamén das actividades, etc.
A Biblioteca Central Miguel González Garcés está incluída no portal
web das principais bibliotecas de Galicia e ten entre outros os seguintes “Recursos
electrónicos en liña”: Biblioteca
Dixital da Rede, da rede de Bibliotecas de Galicia (Titorial); Carteis de Galicia (A Coruña), Colección
de carteis depositados na Biblioteca Miguel González Garcés, visible nunha páxina
propia e en Galiciana; Bibliotecas
Dixitais infantís e xuvenís, directorio de bibliotecas dixitais.
En entradas
anteriores do blog xa nos referimos as seguintes bibliotecas ou coleccións
dixitais da Coruña:
- RUC: Repositorio institucional da UDC
- Biblioteca da Real Academia Galega (con sede na Coruña pero ámbito galego)
A Lei 5/2015, de bibliotecas de Galicia, define no seu artigo 3.2 a
biblioteca dixital como “colección organizada de contidos dixitais que se
poñen a disposición do público. Poden conter exemplares dixitais de libros, outro
material documental procedente de bibliotecas, arquivos ou museos y/o
información producida directamente en formato dixital.”
Así, Europeana ademais de almacenar obras literarias, posúe
unha enorme colección de obxectos dixitais provenientes dos máis importantes
museos de Europa.
A Coruña non só destaca pola súa rede
municipal de bibliotecas, senón tamén polo resto da súa oferta cultural. Na páxina dos Museos Científicos Coruñeses hai un e-Museo, cunha ampla colección de
obxectos dixital.
Na Fundación Barrié teñen un Pórtico da Gloria Virtual, a Colección de la Fundación Barrié e
a Reconstrución do
Coro Pétreo do Mestre Mateo
No hay comentarios:
Publicar un comentario