Falamos de
Sistema Universitario Galego (SUG) dende a Lei
11/1989, de 20 de xullo, de Ordenación do Sistema Universitario en Galicia
e, sobre todo, tralo Decreto
3/1990, de 11 de enero, de Segregación de Centros e Servicios da
Universidade de Santiago de Compostela con tódolos seus Medios Materiais
e Humanos e da súa Integración nas novas Universidades da Coruña e Vigo, estruturadas
en sete
campus universitarios. A Lei
6/2013, de 13 de xuño, do Sistema universitario de Galicia deroga a Ley
11/89 e regula o SUG con moito máis detalle.
Polo tanto, o SUG está constituído polas Universidades da Coruña e Vigo, que cumpren 25 anos, e a de Santiago de Compostela, con máis de 500 anos de historia; coordinado
pola Consellería de
Cultura, Educación e Ordenación Universitaria e, no no que atinxe a acceso e títulos,
pola Comisión Interuniversitaria de Galicia.
As bibliotecas das universidades galegas teñen a súa orixe en
boa parte nas bibliotecas da USC. Segundo o artigo 18 do Regulamento
do Servizo da BUDC, o Servizo estrutúrase como un sistema bibliotecario
descentralizado e coordinado. A BUSC (art.
2 do seu Regulamento) está algo máis centralizada e a BUVigo moito máis,
segundo os arts.
5 a 9 do Regulamento (de xeito que o que na BUDC son bibliotecas de centro,
na BUVigo constitúen puntos de lectura).
As tres bibliotecas son o que se coñece como bibliotecas híbridas (principalmente físicas, pero tamén virtuais): bibliotecas con coleccións y servizos presenciais e con coleccións e servizos en liña. Por un lado, está a biblioteca xeral ou de centro como lugar físico e, por outro lado, o portal web da acceso aos seus recursos dixitais. Na UDC case que tódalas súas bibliotecas teñen páxina web creada polo seu persoal. Na BUVigo, una biblioteca dixital creada por un provedor externo correspóndese coa Biblioteca Central. Na BUSC, o servizo informático elabora as webs das distintas bibliotecas.
As tres bibliotecas son o que se coñece como bibliotecas híbridas (principalmente físicas, pero tamén virtuais): bibliotecas con coleccións y servizos presenciais e con coleccións e servizos en liña. Por un lado, está a biblioteca xeral ou de centro como lugar físico e, por outro lado, o portal web da acceso aos seus recursos dixitais. Na UDC case que tódalas súas bibliotecas teñen páxina web creada polo seu persoal. Na BUVigo, una biblioteca dixital creada por un provedor externo correspóndese coa Biblioteca Central. Na BUSC, o servizo informático elabora as webs das distintas bibliotecas.
A estrutura da biblioteca cada universidade condiciona o
tipo de biblioteca dixital. Se ampliamos o concepto de biblioteca dixital,
podería dicirse que a UDC ten una biblioteca dixital principal e varias pequenas, temáticas; e as de Vigo e
Santiago, só unha:
- Biblioteca dixital da Universidade da Coruña: as súas coleccións están agrupadas no epígrafe “Recursos de información”
- A Biblioteca da Facultade de Ciencias da UDC ten “Biblioteca dixital”
- As Bibliotecas de Oza, das Facultades de Dereito, de Economía e Empresa, de Filoloxía, de Informática, entre outras, teñen seccións con recursos de información propios
- Biblioteca dixital da Universidade de Santiago de Compostela , en “Recursos electrónicos”
- Biblioteca dixital da Universidade de Vigo, en Recursos-e
De tódolos xeitos, dúas universidades teñen o que en sentido
estrito poden considerarse biblioteca dixital, pola xeneralidade dos seus
fondos: os seus repositorios institucionais: o RUC da UDC e Minerva na USC. Investigo
na UVigo está en fase de
desenvolvemento.
Tamén BUGalicia é
una biblioteca dixital que recolle as coleccións dixitais comúns das
tres universidades galegas; está xestionada polo Consorcio
de Bibliotecas Universitarias de Galicia, entidade na que participan as
tres universidades apoiadas pola Xunta de Galicia e co soporte técnico do
Centro de Supercomputación de Galicia. É unha volta a unión orixinal, polas
vantaxes da compra consorciada, e un exemplo de cooperación bibliotecaria.
Aparte, a Biblioteca da USC ten unha serie de coleccións dixitais, resultado de
diversos proxectos de dixitalización do seu amplo fondo antigo e que podería
considerarse biblioteca dixital en sentido estrito, e máis se tivese un sitio
web independente, non só acceso a través do catálogo. Estaría constituída polas seguintes coleccións: Fondos
xerais (fondo antigo non galego da BUSC), Galicia
(fondo galego de manuscritos e impresos publicados entre 1483 e 1900 pertencente
á Biblioteca Universitaria), Prensa
galega (títulos de prensa e revistas dixitalizadas de fondo antigo galego, Incunables, Literaturas
hispánicas (monografías da BUSC no campo da literatura hispánica impresas
entre os séculos XV e XVIII), Biblioteca
América (fondos dixitalizados anteriores a 1900 pertencentes á Biblioteca
América da Biblioteca Xeral nacida grazas ao impulso de Gumersindo Busto), Bibliografías
Letras Galegas (catálogos bibliográficos das mostras bibliográficas
organizadas anualmente con motivo do Día das Letras Galegas).
No hay comentarios:
Publicar un comentario