Os Estatutos da UDC din
que “a investigación, fundamento da
docencia, medio para o progreso da comunidade e soporte de transferencia social
do coñecemento, constitúe unha función esencial da Universidade”, e que “a
investigación é un dereito e un deber do persoal docente e investigador”. Ademáis, indícase que a
universidade manterá “servizos de apoio á docencia e á
investigación e servizos de asistencia á comunidade universitaria, coa
finalidade de conseguir o mellor cumprimento dos seus obxectivos”.
A Biblioteca da
UDC é un
destes servizos, unha
“unidade funcional de
xestión de recursos de información que da soporte ó
estudo, á docencia e á investigación”.
Podemos
ver como se integran nas misións clásicas da universidade estes aspectos:
- Transmitir coñecemento: docencia
- Crear coñecemento: investigación. Salientamos especialmente este obxetivo xa que é unha das funcións esenciais que se propoñen dende o modelo anglosaxón, no que á investigación otórgaselle un papel primordial.
- Conservar coñecemento: xestión e bibliotecas, arquivos e museos
Dende a biblioteca é
necesario que potenciemos estos aspectos. Por unha parte, os bibliotecarios
temos novas competencias con maiores especializacións temáticas e científicas e
facémonos cargo de tarefas que anteriormente soamente realizaban os
investigadores: é o que se coñece como bibliotecario embebido. Por exemplo,
intervención activa en todo o proceso de publicación de artigos, xestión das
plataformas que manexan os investigadores, difusión das publicacións en acceso
aberto, etc.
Por outra banda, a formación tamén é un aspecto clave. Mensualmente,
o Servizo de Biblioteca imparte 3 cursos orientados ó PDI, co obxetivo de
dotalos dos recursos e coñecementos necesarios para optimizar a visibilidade da
súa produción científica nas diferentes bases de datos e redes sociais
científicas:
- Recursos e utilidades documentais para a tese e outros traballos académico
- ISI vs Scopus: A métrica da información
- Redes científicas: Tipos e medidas
Ademáis, dende hai dous
anos, colabora xunto co CUFIE e as bibliotecas de centros na elaboración do
curso semipresencial “Estratexias
para incrementar a visibilidade e o impacto dos resultados da investigación”, con 12 horas
de duración repartidas en 8 teóricas en liña e 4 de prácticas en obradoiros
presenciais nas bibliotecas dos centros.
No que respecta á
páxina web, o servizo de apoio á investigación ofrece información sobre
servizos e recursos clasificados segundo as fases do ciclo de produción
científica (publicación,
difusión,
preservación),
e segundo aspectos relacionados co impacto da investigación (avaliación
da investigación, edición,
identificación
e normalización e política
científica), aspectos que trataranse máis profundamente en
vindeiros posts.
No hay comentarios:
Publicar un comentario