Publons

Este post está dedicado a Publons, pois como sabedes, desde o 15 de abril ResearcherID desapareceu e os seus perfís públicos –non os privados- pasan a formar parte de Publons. Os perfís privados perdéronse aínda que se conservan a listaxe de publicacións en EndNote. Polo demais, o cambio á nova plataforma é automático: o identificador e as contas de ResearcherID engádense automáticamente ao perfil de Publons e, de haber conflicto entre a información de ResearcherID e a de Publons, retense a información de Publons. Para entrar, empregarase o mesmo correo e contrasinal que se tiña en ResearcherID.

A diferencia de ResearcherID, a nova plataforma axuda claramente ao investigador a demostrar a súa experiencia como autor, como revisor e como editor desde un único lugar.

Estas son as principais novidades: 

•    Rastrexar e actualizar as citas en función da Core Collection da WoS. 
•    Engadir publicacións e métricas de citas ao perfil destas maneiras:
• -          Importar as publicacións desde a WOS

o   Desde a pestana “Publications” dentro do taboleiro do perfil, seleccionamos “Import from Web of Science”.

o   Engadir as publicacións desde a propia WoS mediante a pestana “Claim on Publons – track citations”.

• -          Outras maneiras de engadir publicacións:

o   Importar desde ORCID. É moi importante enlazar a conta de ORCID co perfil en Publons, so leva uns poucos clicks que a continuación permiten xa exportar e importar información entre as dúas contas de maneira sinxela, directa e rápida.

o   Cargar un ficheiro RIS, BibTex ou CSV desde un xestor de referencias.

o   Importar por DOI ou por título desde a web.

•     Rastrexar, verificar e amosar o noso traballo como revisor e como editor de publicacións periódicas.
•     A plataforma permite descargar o expediente académico co noso impacto como autor, revisor e editor.
•    Pódense recibir notificacións sobre a actividade relacionada co noso traballo ben cando as nosas publicacións reciben revisións despois de ser publicadas, cando as revisións son anotadas por editores ou colegas expertos ou ben cando as publicacións que revisamos son publicadas e onde as podemos ler.
•   Permite seguir publicacións e recibir notificacións cando hai novas revisións, anotacións ou comentarios.

Por último, aclaramos que para conseguir un identificador como investigador da WoS é necesario importar as publicacións propias desde Wos. Cada noite Publons asigna identificadores  a todos os perfís cunha ou máis publicacións indexadas na WoS que aínda non tivesen un ResearcherID. Deste xeito, as publicacións do Publons quedan ligadas ao ResearcherID da WoS nun prazo de dúas semanas.