A semana pasada rematou a parte teórica en liña da segunda edición do curso semipresencial
"Estratexias para incrementar a visibilidade e o impacto dos resultados da investigación”, impartido polo Servizo de Biblioteca e
as bibliotecas dos centros, en colaboración co CUFIE, e no que se inscribiron douscentos PDI e doutorandos.
Dita parte
teórica constou de catro módulos de dous temas máis un obradoiro cada un.
No primeiro
módulo, “A identificación de autor: nome e filiación”, tras falar dos problemas
para recuperar a totalidade da produción científica dun científico, e das
cuestións de filiación institucional, que requiren de nomes normalizados para
investigadores e centros, analizáronse as distintas solucións dispoñibles para
o investigador, entre as que destaca ORCID pola súa implantación cada vez máis
xeneralizada (a UDC promove que todos os investigadores da Universidade teñan este identificador) e a súa interoperabilidade. ORCID, aparte de identificar ao autor,
permite a creación dun perfil bibliográfico dixital completo, interoperando cos
sistemas de perfís ResearcherID da WOS, Scopus Author ID, etc. No curso viuse pormenorizadamente o
funcionamento dos distintos sistemas de identificación e de perfís de
investigadores.
O segundo, que
leva por título “A publicación científica”, deu no primeiro tema “Recomendacións
para publicar” baixo o prisma de criterios de acreditación e avaliación, para a
selección da revista na que publicar un artigo (indicadores como o JCR ou o
SJR), ou da editorial no caso de monografías. O segundo tema analiza cuestións
previas ao envío do artigo, no marco da relación autor-editor.
O terceiro
módulo, “A publicación e o acceso aberto. O repositorio institucional da UDC
(RUC)” estudou por un lado o acceso aberto e, por outro, o RUC. Respecto do
Open Access, fíxose fincapé na súa importancia
e necesidade, tanto económica como legal, e nas súas vantaxes. Recordáronse as
dúas vías do acceso aberto: verde -revistas OA- e dourada: os repositorios,
seus diferentes tipos, exemplos, mellores prácticas, requirimentos técnicos e
de propiedade intelectual: compatibilidade con revistas, tipos de licenzas,
Creative Commons, etc. O segundo tema está dedicado ao RUC, o repositorio
institucional da UDC, que recentemente migrou a unha nova versión. O obradoiro
deste módulo consistiu no autoarquivo polos participantes dunha publicación
propia no RUC.
Por último, en “Plataformas
sociais e redes científicas”, tratouse no tema 1 o
papel dinamizador das novas tecnoloxías, da web 2.0 e do movemento
internacional do acceso aberto na investigación científica, que dá
lugar a unha ciencia 2.0 caracterizada pola colaboración, participación e a
crecente accesibilidade gratuíta aos resultados da investigación. As principais
redes sociais de científicos, ResearchGate e Academia.edu foron obxecto de
estudo no tema 2.
A segunda parte
do curso é presencial, e levaráse a cabo en forma de obradoiros
individualizados nas bibliotecas dos distintos centros da UDC entre o 9 de maio
e o 3 de xuño.
No hay comentarios:
Publicar un comentario