A semana pasada dedicabamos un
post a definir o concepto de libro electrónico e a contextualizar os seus usos
na actualidade, facendo unha pequena referencia á colección de libros
electrónicos subscrita pola UDC. Sinalábamos que tivo un aumento considerable nos
últimos anos, nunha mostra do apoio da universidade aos novos modelos de consumo de
información.
Pasamos a continuación a citar ditos
recursos, nos que se inclúen tanto coleccións temáticas centradas nunha materia concreta como multidisciplinares, que en conxunto rondan aproximadamente os 89.000
ebooks.
Nas coleccións multidisciplinares temos:
- Cambridge Core: é unha das incorporacións máis recentes. Contén 76 ebooks da editorial Cambridge University Press.
- E-libro. Colección Cátedra: plataforma de ebooks académicos en español.
- Ebook Collection (EBSCOhost): libros electrónicos de temática moi variada.
- Wiley Online Library: 298 ebooks de Wiley adquiridos utilizando o modelo baseado na evidencia (títulos que máis se utilizaron a partir dos datos de consulta e uso da colección).
Pola súa parte, nas coleccións temáticas contamos con:
- ACM Digital Library (Association for Computing Machinery): de informática; ademais dos libros electrónicos, inclúense outras publicacións da ACM como revistas, actas de congresos, etc.
- Biblioteca Virtual Tirant lo Blanch: especializada en dereito, a través dela se pode acceder en formato electrónico a tódolos libros publicados pola editorial Tirant lo Blanch.
- Elsevier ScienceDirect eBooks: de ciencia e tecnoloxía.
- LION (Literature Online): obras a texto completo de literatura en lingua inglesa desde o século XVIII ata os nosos días.
- Safari Books Online: plataforma de libros electrónicos do ámbito da informática, telecomunicacións e ciencias afíns.
- Springer Economía y Empresa: libros de economía e empresa do ano 2008.
Os libros poden
consultarse a través de:
- Catálogo da Biblioteca
- Buscador e listaxe completa de libros electrónicos
- Ligazóns ás coleccións temáticas e multidisciplinares
No que respecta ao acceso a estos
recursos, na maioría dos casos a biblioteca dispón dun número ilimitado de licenzas, é dicir, non hai un límite de
usuarios simultáneos, aínda que nalgunhas plataformas como é o caso da Biblioteca
Virtual Tirant lo Blanch ou Safari Books Online existe un límite de usuarios
simultáneos, especificado en cada un dos recursos.
A
maiores destas coleccións, a biblioteca soe contratar algúns recursos
baixo a modalidade de periodos de proba, para coñecer os
títulos máis utilizados polos usuarios e así poder seleccionar entre os miles de títulos que se ofertan, moitas veces
difíciles de xestionar.
Nesta sección de libros
electrónicos non podemos esquecer unha serie de obras de referencia nas que están incluídas:
- Enciclopedias xerais como a Enciclopedia Multimedia Durvan, a
Espasa Universal ou Mienciclo Hispánica
Universal; e enciclopedias específicas como a Blackwell Encyclopedia of
Sociology, a International Encyclopedia of Communication, The Wiley Blackwell
Encyclopedia of Family Studies ou The Encyclopedia of Applied Linguistics.
- Dicionarios de idiomas como o Diccionario Slabý/Grossmann
español-alemán ou o Oxford English
Dictionary; e diccionarios temáticos
como The New Palgrave Dictionary of Economics.
No hay comentarios:
Publicar un comentario