Coa inauguración nas vindeiras
semanas do curso académico 2018/2019 do Sistema Universitario Galego, dedicamos
este post a facer un pequeno percorrido pola oferta académica (graos, mestrados
e doutoramentos) das tres universidades galegas.
En concreto, o acto de apertura deste
novo curso académico nas universidades de Galicia terá lugar o día 7 de
setembro ás 12:00 no Paraninfo da Universidade da Coruña.
No que respecta exclusivamente
aos graos, excluíndo mestrados e doutoramentos, a Comisión Interuniversitaria
de Galicia resume neste tríptico
a oferta de prazas das tres universidades galegas.
A USC oferta os seguintes graos, mestrados e programas de doutoramento nos
seus campus de Santiago e Lugo, ofrecendo como principais novidades os graos en
Biotecnoloxía, Criminoloxía e Paisaxe, este último compartido coa UDC,
converténdose na primera titulación interuniversitaria de Galicia. Tamén
incorpora 10 novos
másteres.
Pola súa parte,
a Universidade de Vigo, incorpora
este ano un novo grao en Enxeñaría Biomédica, 7 másteres e a conversión de dous
programas de doutoramento existentes en interuniversitarios. Tódala súa oferta
académica pódese consultar nesta ligazón.
Na UDC entra en funcionamento este curso o
grao en Xestión Industrial da
Moda, título bilingüe e único en Galicia cuxa demanda foi todo un éxito, xa
que se cubriron tódalas prazas ofertadas neste primeiro ano de andadura. Outra
novidade é o grao en Paisaxe
citado anteriormente, impartido de manera conxunta pola UDC e a USC.
No que respecta
aos másteres, na UDC estréanse 7, entre os que destaca o de Deseño, Desenvolvemento e
Comercialización de Videoxogos, primeiro máster oficial de Galicia neste
ámbito.
Tódolos planos
de estudos dos graos, dobres graos, estudos internacionais, docencia en inglés,
másteres e programas de doutoramento, estudos propios…atópanse nesta páxina da UDC.
Rematamos este
post informando da implantación de novos títulos a partir do vindeiro curso
2019-2020. Segundo o novo mapa de titulacións do Sistema Universitario de
Galicia, o exercicio 2019-2020 será aquel en que máis novas unidades implementaranse,
xa que se crearán ata 8 graos: Deseño e Creación, na Universidade de Vigo;
Enxeñería Eléctrica, Creación Dixital e Animación, Xestión da Información e da
Documentación Dixital e Ciencia e Enxeñería de Datos, na UDC; e Xestión do
Patrimonio e Industrias Culturais, Emprendemento e Robótica Agroforestal na
USC.
No hay comentarios:
Publicar un comentario