viernes, 5 de abril de 2019

Rafael Sánchez Ferlosio (1927-2019)


Esta semana comezaba coa noticia do falecemento do escritor Rafael Sánchez Ferlosio, polo que o post desta semana dedicámolo á súa figura. Novelista, ensaísta, gramático e lingüista español, ao longo da súa traxectoria profesional obtivo numerosos premios entre os que destacan os máis importantes das letras hispánicas, o Premio Cervantes en 2004, o Premio Nacional de las Letras Españolas en 2009 ou o Premio Nacional de Ensayo en 1994.
Destacou por ser crítico co mundo que lle rodeaba, co poder, o capitalismo, a corrupción ou a relixión, entre outros.

Doutorouse en Filosofía e Letras na Universidad Complutense de Madrid, onde entrou en contacto con outros escritores da época como Ignacio Aldecoa, Jesús Fernández Santos ou Carmen Martín Gaite. Todos eles formaron parte da denominada Generación del 50.
A fama e o recoñecemento internacional chegáronlle a mediados da década dos cincuenta coa novela El Jarama, obra que se converteu nun referente dentro do realismo social e a novela española de posguerra. Por ela recibiu o premio Nadal en 1955 e o da Crítica en 1957. Sen embargo, a pesar do éxito desta novela, renegou dela e durante un longo período o escritor abandonou a narrativa e comezou unha fase marcada por unha ampla produción de ensaios.
Ademais, desenvolveu unha importante carreira xornalística, colaborando en diarios españois como ABC ou El País e en revistas como Cuadernos Hispanoamericanos e Revista de Occidente.

Para finalizar, deixámosvos varias ligazóns de interese:

No hay comentarios: