viernes, 30 de agosto de 2019

A oferta académica do Sistema Universitario Galego no curso 2019/2020


Coa inauguración na vindeira semana do curso académico 2019/2020 do Sistema Universitario Galego, dedicamos este post a facer un pequeno percorrido pola oferta académica (graos, mestrados e doutoramentos) das tres universidades galegas. En concreto, o acto de apertura deste novo curso nas universidades de Galicia terá lugar o venres 6 de setembro ás 12.00 horas na Universidade de Santiago de Compostela (Salón Nobre do Colexio de Fonseca).

No que respecta exclusivamente aos graos, excluíndo mestrados e doutoramentos, a Comisión Interuniversitaria de Galicia resume neste tríptico a oferta de prazas das tres universidades galegas.
A USC oferta os seguintes graos, mestrados e programas de doutoramento nos seus campus de Santiago e Lugo, ofrecendo como principal novidade o grao en Robótica (Lugo).  
Pola súa parte, toda a oferta académica da Universidade de Vigo pódese consultar nesta ligazón.
Na nosa universidade, a UDC, entran en funcionamento este curso os seguintes graos:
- Xestión Dixital de Información e Documentación, unha reconversión do extinto grao en Información e Documentación.
Tódolos planos de estudos dos graos, dobres graos, estudos internacionais, docencia en inglés, mestrados e programas de doutoramento, estudos propios…atópanse nesta páxina da UDC.

No que respecta aos mestrados, as universidades galegas ofrecen catro novos para este curso: a USC, os mestrados en Psicoloxía; en Química na Fronteira coa Bioloxía e a Ciencia de Materiais; e en Enxeñaría de Procesado dos Alimentos. A UVigo, ofrece, pola súa banda, un mestrado en Dirección TIC para a Defensa.

Rematamos este post informando da implantación de novos títulos nos vindeiros cursos académicos. Segundo o mapa de titulacións do Sistema Universitario de Galicia, a UDC incorporará o grao de Nanociencia e Nanotecnoloxía para o curso 2020/2021, a UVigo impartirá o grao dual en Tecnoloxía da Automoción a partir de 2021/2022, e a USC o grao en Innovación Gastronómica e Xestión Hoteleira para o curso 2021/2022.
A maiores, no curso 2021/2022 entrará en funcionamento un cuarto, o grao en Relacións Internacionais, que será un grao interuniversitario entre a UDC (no campus de Ferrol) e a UVigo (no campus de Ourense).

No hay comentarios: