A elaboración de rankings de
universidades proliferou bastante nos últimos anos, e proba disto é a aparición
de numerosos sistemas orientados á clasificación e avaliación destas
institucións. A pesar da súa expansión, os rankings non están exentos de
recibir críticas en canto á súa fiabilidade, xa que ésta dependerá da calidade
dos datos nos que se basea, a metodoloxía seguida, a transparencia, etc. Cada
ranking utiliza indicadores e metodoloxías diferentes, así como distintos
valores de ponderación.
Para dar resposta a este tipo de
estudos, na UDC destaca a Unidade de
Análise e Xestión de Datos (AXD), que
centraliza e analiza a información para cubrir estatísticas de carácter
oficial e así poder dar unha información fiable e contrastada que servirá para
elaborar indicadores que reflictan a realidade da institución tanto en ámbitos
nacionais como internacionais. Os rankings, como moitos outros estudos,
requiren gran cantidade de información que abarca moitas áreas funcionais da
UDC, o que orixina que a unidade AXD sexa transversal a todos os servizos da
nosa universidade.
Esta Unidade é a responsable
dunha ampla sección web dedicada á UDC nos rankings
universitarios, presentando informes de cada un dos rankings, tanto
nacionais como internacionais, con datos sobre a nosa universidade en cada un
deles. Recentemente veñen de actualizarse varios rankings incluídos nesta
páxina:
- THE: Times Higher Education World University Ranking, do que
elaboramos un post a semana
pasada neste blog.
- A parte de
redes sociais do Unirank.
- Dyntra, que é unha plataforma
colaborativa que estuda a transparencia á hora da publicación de datos nas webs
das distintas organizacións que se estudan.
No hay comentarios:
Publicar un comentario