Nesta publicación faremos un
repaso polos servizos que están a ofrecer actualmente as bibliotecas da UDC coa
chegada da “nova normalidade”. Xa pasou un mes dende que as bibliotecas
reabriron as súas portas e pouco a pouco fóronse ampliando os seus servizos a
medida que se sucedían as distintas fases da desescalada. Os horarios de
apertura ao público varían dependendo das condicións de cada biblioteca, polo
que recomendámosvos consultalos nesta ligazón.
Os servizos de préstamo e devolución de documentos requiren
de cita previa. Para levar material en préstamo, primeiro tedes que reservar os
títulos a través do catálogo
(xa que o usuario non poderá acceder directamente á colección) e logo pedir
cita
previa para recollelo na biblioteca. Neste vídeo ou nesta presentación
explícase o proceso do préstamo. No caso das devolucións, os documentos
deberán pasar unha corentena de 14 días antes da súa volta aos estantes.
Ademais, pódense consultar en sala aqueles documentos que
non se poden levar en préstamo. Recomendámosvos preguntar na vosa biblioteca as
condicións particulares deste servizo, xa que nalgunhas é necesario solicitar
cita e noutras non. A consulta dos
catálogos en liña de acceso público tamén está permitida.
No que respecta ao préstamo interbibliotecario, permítese
o envío de documentos electrónicos e escaneados. Polo momento non hai préstamo
interbibliotecario de libros.
Un dos últimos servizos en volver
a implantarse foi o estudo en sala,
con limitación de aforo e cumprindo as medidas de seguridade estipuladas. Para
estudar nas bibliotecas deberase consultar no calendario
de cita previa se é necesario pedir cita. Na maioría dos casos é preciso,
aínda que nalgunhas bibliotecas non é necesario. Para calquera dúbida podedes
contactar por correo
electrónico coa biblioteca á que desexedes acudir, e para obter máis
información sobre o número de postos e as condicións de acceso podedes
consultar tamén a páxina
web das bibliotecas ou visitar as súas redes
sociais. Aínda que non dependen do Servizo de Biblioteca, as aulas de
estudo (Xoana Capdevielle, Centro Universitario de Riazor e o Edificio de Apoio
ao Estudo de Ferrol) tamén volveron a abrir as súas portas esta semana. Nesta nota
de prensa tedes máis información sobre elas.
Por último, lembrámosvos que
podedes seguir empregando os servizos en liña, como ata o de agora, para todo o
que precisedes:
- Contacta coa biblioteca: para consultas, dúbidas, queixas ou suxestións sobre o servizo ou sobre algunha das bibliotecas.
- Solicitude de adquisicións: para solicitar a compra dunha obra que consideredes necesaria na colección da vosa biblioteca.
- Petición dunha procura bibliográfica: dende este formulario podedes solicitar axuda na busca de información para os vosos traballos de aula, o TFG/TFM ou os traballos de investigación.
No hay comentarios:
Publicar un comentario