PROPIEDADE INTELECTUAL (E III): ACORDO CRUE-CEDRO

"Should Universities Opt Out of Access Copyright? by Giulia Forsythe. CC BY-NC-SA 2.0

Na Asemblea Xeral de CRUE do pasado mércores 16, as universidades ratificaron o acordo entre a Conferencia de Reitores e CEDRO (tras máis de 10 anos de negociacións) de fixación da contía a aboar polos contidos (extractos de libros, revistas, etc.) subidos polas universidades aos seus campus virtuais. CEDRO solicitaba entre 7.5 e 8 millóns de euros; finalmente acórdouse o pago de 3 millóns anuais por dereitos de autor.

O apartado 4 do artigo 32 da Lei de Propiedade Intelectual (LPI), introducido pola reforma de 2014 e que entrou en vigor en novembro de 2015, inclúe a nova excepción de uso de materiais na aula virtual. Antes de esa modificación, a situación non estaba amparada por una excepción legal, o que deu lugar a varios xuizos de CEDRO contra universidades españolas (Carlos III de Madrid, de Barcelona e Autónoma de Barcelona) nos que se lles condenaba –por piratería , en palabras de CEDRO- ao pago de indeminizacións por vulneración de dereitos de autor nos seus campus virtuais.

Pasamos a análizar os requisitos establecidos polo art. 32.4 da LPI, cos puntos máis destacados en letra grosa e as explicacións entre corchetes:

Demandan á Universidad Carlos III e á UAB por ‘piratería’

O diario El País publicou o 22 de marzo pasado a nova de que Cedro (Centro Español de Dereitos Reprográficos), a entidade de xestión de dereitos de autor no sector do libro, demandou á Universidade Carlos III de Madrid por ter subido sen licenza ao seu campus virtual materiais protexidos por dereitos de autor e asegura que o que están a facer as universidades sería equivalente a "engancharse" á rede eléctrica ou á de auga de maneira ilegal e sen pagar por eses servizos. O 12 de abril, La Vanguardia publica que esta entidade lle reclama á Universitat Autònoma de Barcelona (UAB) máis dun millón de euros. Ao parecer son as primeiras doutras medidas similares que pensa tomar contra máis universidades españolas, a maioría públicas.

Desde 2005 Cedro intenta chegar a un acordo coa Conferencia de Reitores das Universidades Españolas (CRUE). Javier de la Cueva, avogado experto en propiedade intelectual, asesorou á CRUE e sinala que as universidades xa desembolsan cada ano 130 millóns de euros en concepto de subministros de documentación "e aí entran os dereitos de autor". Ademáis indica que as universidades "contan con 100.000 autores (os profesores universitarios) que non perciben cartos por as súas publicacións académicas, mentres que Cedro só ten 18.000 autores". Este avogado explica que a CRUE pediu a Cedro información sobre a que autores representaba, e que "as universidades decidiron non pagar nada en tanto non obteñan unha resposta". Este é o comunicado que emitiu a CRUE.

Dos 75 centros universitarios que hai en España, Cedro expón que só 3 contan con licenza Cedro para o campus virtual (e a UDC non é unha delas). Por outra banda existen 14 que contan cunha licenza "moi limitada" e exclusivamente para algunha materia ou curso. Para que o alumnado dunha universidade española poida utilizar sen límite contidos protexidos por dereitos de autor, cada centro educativo debe pagar unha tarifa anual a Cedro de 5 euros por estudante.