Ranking Web de Universidades - Webometrics: actualización xullo 2023

 

Con motivo da actualización a principios do ano do Ranking Web de Universidades, nesta publicación comentaremos brevemente os resultados obtidos, especialmente os datos que afectan á UDC. Este ranking é publicado polo Laboratorio de Cibermetría, grupo de investigación que pertence ao Consejo Superior de Investigaciones Científicas (CSIC), para medir a presenza na web e a visibilidade das universidades e institucións de educación superior. Dende 2004, publícase dúas veces ao ano: unha a finais de xaneiro e outra a finais de xullo.


As institucións de educación superior aparecen clasificadas de acordo a 3 criterios:

• Impacto: constrúese a partir das ligazóns recibidas de terceiros. Ten un valor do 50%.
• Apertura: número de citas dos principais autores segundo a fonte Google Scholar Citations. Ten un valor do 10%.
• Excelencia: inclúe os artigos de calidade situados entre o 10% máis citado de cada especialidade. Ten un valor do 40%.

No que respecta a España, os primeiros postos ocúpaos a Universidad de Barcelona e a Complutense de Madrid. A UDC atópase no posto 34 de 276 institucións incluídas. As outras universidades galegas, Vigo e Santiago, ocupan as posicións 40 e 54 respectivamente.

A nivel de Europa, liderada pola Universidad de Oxford, a UDC aparece no posto 356 de 6000, e a nivel mundial, no que se atopa en primeiro lugar a Universidad de Harvard, a UDC ocupa o posto 889 das máis de 11989 instituciones incluídas. Estes datos sitúan á UDC entre o 7,5% das universidades con maior rendemento web do mundo, entre o 6% en Europa e entre o 12,4% en España.

Por indicadores, a UDC sitúase no posto 1129 en impacto (36º posto a nivel España), no 679 en apertura (30º posto a nivel de España), e no 1204 en excelencia (40º posto a nivel de España).

Ranking Web de Universidades - Webometrics: actualización xaneiro 2020

Con motivo da actualización a semana pasada do Ranking Web de Universidades, nesta publicación comentaremos brevemente os resultados obtidos, especialmente os datos que afectan á UDC. Este ranking é publicado polo Laboratorio de Cibermetría, grupo de investigación que pertence ao Consejo Superior de Investigaciones Científicas (CSIC), para medir a presenza na web e a visibilidade das universidades e institucións de educación superior. Dende 2004, publícase dúas veces ao ano: unha a finais de xaneiro e outra a finais de xullo.

As institucións de educación superior aparecen clasificadas de acordo a 4 criterios:

- presenza: número de páxinas web do dominio principal da institución. Inclúe tódolos subdominios. Ten un valor do 5%.

- impacto: constrúese a partir das ligazóns recibidas de terceiros. Ten un valor do 50%.

- apertura: número de citas dos principais autores segundo a fonte Google Scholar Citations. Ten un valor do 10%.

- excelencia: inclúe os artigos de calidade situados entre o 10% máis citado de cada especialidade. Ten un valor do 35%.

No que respecta a España, os primeiros postos ocúpaos a Universidad de Barcelona e a Complutense de Madrid. A UDC atópase no posto 35 de 262 institucións incluídas. As outras universidades galegas, Santiago e Vigo, ocupan as posicións 14 e 56 respectivamente.

A nivel de Europa, liderada pola Universidad de Oxford, a UDC aparece no posto 344 de 4481, e a nivel mundial, no que se atopa en primeiro lugar a Universidad de Harvard, a UDC ocupa o posto 840 das máis de 11000 instituciones incluídas. Estes datos sitúan á UDC entre o 7% das universidades con maior rendemento web do mundo, entre o 7% en Europa e entre o 14% en España.

Por indicadores, a UDC sitúase no posto 462 en presenza (21º posto a nivel de España), no 1258 en impacto (39º posto a nivel España), no 681 en apertura (35º posto a nivel de España), e no 1004 en excelencia (37º posto a nivel de España).

Ranking Web de Universidades - Webometrics: actualización xaneiro 2019

Recentemente foi actualizado o Ranking Web de Universidades, polo que neste post comentaremos principalmente os datos que afectan á UDC. Trátase dunha iniciativa do Laboratorio de Cibermetría, grupo de investigación que pertence ao Consello Superior de Investigacións Científicas (CSIC), para medir a presenza na web e a visibilidade das universidades e institucións de educación superior. Dende 2004, publícase dúas veces ao ano: unha a finais de xaneiro e outra a finais de xullo. 

Son catro os indicadores que teñen en conta para clasificar ditas institucións:

- presenza: número de páxinas web do dominio principal da institución. Inclúe tódolos subdominios. Ten un valor do 5%.

- impacto: número de redes externas que orixinan backlinks (ligazóns que recibe unha páxina web desde outros sitios web) ás páxinas web da institución. Ten un valor do 50%.

- apertura: número de citas dos principais autores segundo a fonte Google Scholar Citations. Ten un valor do 10%.

- excelencia: número de artigos académicos publicados en revistas internacionais de alto impacto comprendidos entre o 10% máis citados das súas respectivas disciplinas científicas. Ten un valor do 35%.

No que respecta a España, os primeiros postos ocúpaos a Universidad de Barcelona e a de Valencia. A UDC atópase no posto 23 de 263 institucións incluídas. As outras universidades galegas, Santiago e Vigo, ocupan as posicións 54 e 29 respectivamente.

A nivel Europa, liderada pola Universidad de Oxford, a UDC aparece no posto 345 de 5890, e a nivel mundial, no que se atopa en primeiro lugar a Universidad de Harvard, a UDC ocupa o posto 820 de 11999.

Estes datos amosan unha mellora respecto a edición de xaneiro do pasado ano 2018, no que a UDC ocupaba o posto 38 en España (subiu 15 postos), o 377 en Europa (mellorou 32 postos) e o 895 a nivel mundial (mellorou 75 postos).

Por indicadores, a UDC sitúase no posto 72 en presenza (5º posto a nivel España), no 1140 en impacto (41º posto a nivel España), no 898 en apertura (22º posto a nivel España), e no 1031 en excelencia (39º posto a nivel España).

Ranking Web de Universidades - Webometrics: actualización xaneiro 2018

Como é habitual a principios de ano, en Webometrics veñen de actualizar algúns dos seus rankings de universidades: a nivel mundial, de Europa, España ou Latinoamérica. Ademais, actualizáronse os rankings de autores segundo perfís públicos en Google Scholar. Esta clasificación publícase dende o ano 2004 cada seis meses.

Trátase de listados confeccionados polo Laboratorio de Cibermetría, un grupo de investigación que pertence ao CSIC, que subministran información de máis de 27500 universidades e institucións de educación superior e que están baseados en distintos indicadores, centrándose na presenza e impacto na web. Os principais que se teñen en conta son:

- presenza: mide o volumen de información publicada na web

- impacto: construido a partir dos enlaces recibidos de terceiros

- apertura: número de documentos que se ofrecen en aberto

- excelencia: artigos de calidade situados entre o 10% máis citado de cada especialidade

No que respecta a España, os primeiros postos ocúpanos a Universidad de Barcelona e a Complutense de Madrid. A UDC atópase no posto 38. A nivel Europa, liderada pola Universidad de Oxford, a UDC aparece no posto 377 e a nivel mundial, no que se atopa en primeiro lugar a Universidad de Harvard, a UDC ocupa o posto 895.

No ranking de autores segundo perfís públicos en Google Scholar, aparecen 33 autores da UDC, incluíndo o CHUAC. 

No ranking dos 1000 investigadores máis citados, mencionamos como curiosidade que os tres primeiros postos corresponden aos xa difuntos Michel Foucault, Pierre Bourdieu e Sigmund Freud. O primeiro español é o físico Alberto Ruiz Jimeno, da Universidad de Cantabria.