A Biblioteca da UDC conta cunha ampla colección
de libros electrónicos de pago que inclúe obras de referencia e coleccións
temáticas e multidisciplinares.
Dentro das obras de referencia están incluídas:
- Enciclopedias xerais como a Enciclopedia
Multimedia Durvan e a Espasa
Universal; e enciclopedias específicas como a Blackwell
Encyclopedia of Sociology e a International
Encyclopedia of Communication.
- Dicionarios de idiomas como o Dicionario
Slabý/Grossmann español-alemán e o Oxford
English Dictionary; e diccionarios temáticos como o Diccionario
Beigbeder Politécnico Online e o Palgrave Dictionary of
Economics.
- A ferramenta Visión
Médica Virtual en 3D, sobre anatomía humana.
Nas coleccións multidisciplinares temos a Ebook Collection de EbscoHost e Netbiblo; e nas de temas concretos temos a ACM Digital Library, de informática; a AMS, de matemáticas; a IEEE Xplore, de enxeñaría eléctrica e electrónica; LION, de literatura; e Springer Economía e Empresa.
En relación cos libros electrónicos gratuítos, no blog Universo Abierto falaron hai pouco de libros libres, gratuítos, open access e buscadores de ebooks. Se vos interesa este tema, recomendámosvos que vexades a presentación que fixo Julio Alonso Arévalo sobre isto en Slideshare.
Nela fala de tendencias e patróns xerais nas iniciativas editoriais e modelos de negocio de ámbito internacional que dan acceso aberto aos títulos individuais de pleno dereito. Estuda algunhas destas iniciativas a partir dos conceptos básicos de acceso aberto e a súa aplicación aos libros. Finalmente recolle algúns dos sitios onde se poden atopar libros electrónicos gratuítos.
Os proxectos de acceso aberto teñen como obxectivo poñer a información en repositorios dixitais en beneficio da comunidade e a máis alta visibilidade dos autores.
Destaca os seguintes buscadores de libros electrónicos:
-
Luzme: permite
comparar prezos, formatos e condicións de dereitos de uso dos libros
electrónicos.
- Inkmesh: motor de busca para atopar libros electrónicos gratuítos e comparar os prezos para Kindle, iPhone, Nook e Sony en tendas virtuais como Amazon.com, Sony eBook Sorte, Barnes & Noble, iBookStore, etc.
- Neotake: buscador que permite atopar máis de cinco millóns de libros electrónicos coa posibilidade de buscar libros gratuítos “Free”.
- Inkmesh: motor de busca para atopar libros electrónicos gratuítos e comparar os prezos para Kindle, iPhone, Nook e Sony en tendas virtuais como Amazon.com, Sony eBook Sorte, Barnes & Noble, iBookStore, etc.
- Neotake: buscador que permite atopar máis de cinco millóns de libros electrónicos coa posibilidade de buscar libros gratuítos “Free”.
Podedes consultar aquí a entrada do blog completa.
