Hai uns días que se actualizou a versión da Web of
Knowledge. As modificacións son principalmente na estética da interface, que se
simplifica para facilitar as buscas.
A nova Web of
Science incorpora na súa páxina principal as seguintes ferramentas: InCites (avaliación
personalizada na web baseada nas citas das investigacións), o Journal Citation Reports (JCR), o
Essential Science Indicators
(ESI), o xestor bibliográfico EndNote,
e o ResearcherID.
As bases de datos que inclúe son: a colección principal da
Web of Science, Current Contents Connect, Derwent Innovation Index e MEDLINE.
Unha das melloras máis destacables é que unha vez realizada
unha busca, se entramos nun rexistro bibliográfico podemos acceder ao cuartil
ao que pertence a revista nas diferentes categorías e aos datos da revista na
que se publicou o artigo. Ademais, se ese artigo ten presenza en ESI ou en
Hightly Cited, tamén se pode ver esa información desde o rexistro.
Outras melloras son:
- Nova sección de refinamento ‘Open Access’, que facilita a localización das revista en acceso aberto.
- Algunhas funcionalidades cambiaron de sitio para estar máis accesibles. Un exemplo é o botón de ‘Analyze Results’, que atopamos na páxina de resultados de busca.
Algunhas das novidades estarán dispoñibles próximamente,
como a nova base de datos de Scielo, a partir da última semana do mes de xaneiro.
Tamén está prevista a integración con Google Scholar, pero aínda non hai unha
data exacta de cando se fará.
Máis información
sobre as novidades desta actualización.
A nova Web of Science (presentación de Thomson Reuters)
A nova Web of Science (presentación de Thomson Reuters)
Titorial da nova interface 2014 realizado pola Universidade de Córdoba.
