O impacto da actividade científica da UDC: actualización 2023

Neste post imos actualizar os datos de impacto das publicacións científicas da UDC mediante a análise de citas da Web of Science (WoS). 

Limitamos a produción aos anos 2017-2023. Neles, e segundo a WoS, publicáronse 9.928 documentos: 

Observamos, na seguinte táboa, a evolución da cifra de publicacións nos últimos anos: 

En canto ao número de citas, neste gráfico pode verse para cada ano as citas que recibiron os artigos da UDC publicados nese periodo de tempo: 

O número total de citas foi de 106.736; sen citas propias: 97.226. O número total de artigos nos que se cita algunha publicación da UDC foi de 89.649; sen citas propias: 85.807. 

A maior parte das citas proveñen de investigadores das seguintes institucións: 

O índice h durante este período é 99. Por anos, o índice h é o seguinte: 

Pode observarse que o índice h descende a medida que nos achegamos á data actual, pero subirá co tempo conforme se vaian recollendo máis citas. 

Filiacións: o persoal investigador da UDC colabora principalmente con investigadores das seguintes institucións: 

Financiadores: as súas publicacións están maioritariamente financiadas por: 

Publicacións: publica principalmente nas seguintes cabeceiras: 

Tipoloxía documental: predominaron os artigos de revista: 

Áreas de investigación: a UDC ten máis presenza en: 

Na listaxe de universidades españolas por número de documentos incluídos na WoS no 2023 a UDC ocupa o posto número 32. 

O impacto da actividade científica da UDC: actualización 2022

Neste post imos actualizar os datos do impacto das publicacións científicas da UDC mediante a análise de citas da Web of Science (WoS).

Limitamos a produción aos anos 2016-2022. Neles e segundo a WoS, publicáronse 9.882 documentos:

Observamos que a cifra sobe progresivamente nos últimos anos:  

Anos	2016	2017	2018	2019	2020	2021	2022
Publicacións	1.229	1.277	1.328	1.567	1.546	1.555	1.174

En canto ao número de citas anual, é cada vez máis alto. No gráfico pode verse para cada ano o número de citas que recibiron os artigos da UDC publicados nese periodo de tempo:  

Anos	2016	2017	2018	2019	2020	2021	2022
Citas	826	3.609	7.305	12.065	17.846	25.256	27.799

O número total de citas foi de 101.612 (115.563 na última actualización de 2021); sen citas propias: 92.235.

O número total de artigos nos que se cita foi de 84.275; sen citas propias: 80.465.

A maior parte das citas proveñen de investigadores das seguintes institucións: 

O índice h é 93 (103 na última actualización de 2021).

Por anos, o índice h é o seguinte: 

Anos	2016	2017	2018	2019	2020	2021	2022
Índice h	59	49	55	52	41	29	12

Pode observarse que o índice h descende a medida que nos achegamos á data actual, pero subirá co tempo a medida que se vaian recollendo máis citas.  

Filiacións: o persoal investigador da UDC colabora con investigadores das seguintes institucións:

Finaciadores: as súas publicación están maioritariamente financiadas por:

Publicacións: publica principalmente nas seguintes cabeceiras:

Tipoloxía documental: predominaron os artigos de revista, seguidos a moita distancia dos resumos de comunicacións:  

Editores: a selección de editores resultaría a seguinte:

Areas de investigación: a UDC tén máis presenza en:

Na listaxe de universidades españolas por número de documentos incluídos na WoS no 2022 a UDC ocupa o posto número 32. 

Actividades de extensión universitaria na UDC

A extensión universitaria, xunto co estudo, a docencia e a investigación, constitúe unha actividade básica da universidade. Nesta publicación difundimos algunhas das actividades culturais, deportivas ou lúdicas ás que teñen acceso tanto as persoas que pertencen á comunidade universitaria como as de fóra dela. Estas actividades, que comprenden exposicións, obradoiros, rutas, campamentos, deportes, etc., están orientadas a complementar a formación curricular e difundir os coñecementos culturais ou artísticos a toda a poboación.

Comezando pola Área de Cultura, ofrece unha oferta cultural que comprende diversas actividades, entre elas:

- Exposicións, en moitos casos realizadas en NORMAL, o espazo de intervención cultural da UDC.

- Proxeccións audiovisuais e coloquios con cineastas

- Actividades musicais, incluíndo concertos e outros recitais. Cabe salientar que a UDC pon a disposición do seu alumnado entradas de balde para concertos da Orquestra Sinfónica de Galicia.

- Roteiros

- Obradoiros culturais, que inclúen actividades como danza, fotografía, interpretación, etc. Nestes obradoiros o alumnado da UDC ten dereito ao recoñecemento de créditos.

Por outra banda, a Área de Deportes oferta numerosas actividades para fomentar a actividade física e o deporte, e consecuentemente, mellorar a saúde e a condición física. Entre elas están: adestramento persoal, baloncesto, Dance Fitness, fútbol, ioga, pilates, xadrez… e moitas máis que se poden consultar nesta ligazón. Tamén ofrece pequenas rutas a pé de dificultade baixa ou moderada polos diferentes concellos das nosas comarcas. Para poder inscribirse en calquera das actividades é necesario ter o Abono Deporte / Abono Matrícula.

Ademais de todas estas actividades para adultos, tamén queremos difundir os campamentos de verán que ofrece a UDC para nenos e nenas, tanto na Área de Cultura como na Área de Deportes. A primeira oferta actividades lúdicas en inglés e a segunda actividades multideportivas de recreación, tempo libre, ocio e lecer (xogos tradicionais galegos, xincanas, excursións, etc.).

En definitiva, todos os anteriores son exemplos de como a comunidade universitaria ou a poboación en xeral pode gozar destas actividades non académicas dunha forma entretida e enriquecedora. As sinaladas aquí son soamente unha mostra, pero animámosvos a consultar a páxina Sección de Extensión Universitaria para descubrir outras actividades coas que vos poden sorprender. 

Publicacións científicas en acceso aberto na UDC segundo as bases de datos Web of Science e Scopus: 2008-2018

Neste novo post analizamos os datos relativos á publicación en acceso aberto producida polo persoal investigador da UDC nos últimos dez anos segundo as bases de datos Web of Science (WoS) e Scopus. Rematamos así esta serie de noticias bibliométricas sobre a produción científica da UDC comezada hai unhas semanas neste blog.

Na seguinte táboa amosamos a evolución da publicación en acceso aberto nesta última década segundo WoS. Pódese observar que nos últimos 4 anos hai un claro aumento deste tipo de publicacións respecto aos anos anteriores: 

Por áreas de investigación, na seguinte imaxe da WoS vemos que as publicacións en acceso aberto da UDC pertencen maioritariamente as áreas de Reumatoloxía, Ciencia e Tecnoloxía e Enxeñaría:

 

As 2522 publicacións en acceso aberto que constan da UDC na WoS na década 2008-2018, divídense da seguinte forma:

• 1365 pertencen á versión DOAJ dorado, que son artigos que se publican en revistas rexistradas no “Directorio de revistas de acceso abierto” (DOAJ).
• 253 á versión Dorado (otros): son artigos de acceso aberto que teñen unha licenza de Creative Commons (CC) da base de datos Unpaywall de Impactstory, pero non están rexistradas en DOAJ.
• 809 á versión Bronce: a licenza destes artigos non está moi clara ou aparecen na base de datos Unpaywall de Impactstory como artigos sen licenza de CC. Son artigos que se poden consultar de forma gratuíta ou artigos de acceso público que se atopan en sitios web de editoriais.
• 711 á versión Verde e publicado: son versións finais e publicadas de artigos aloxados en repositorios institucionais ou temáticos.
• 51 á versión Verde e aceptado: manuscritos aceptados que están aloxados en repositorios. O contido está revisado por expertos e é unha versión final, pero non pasou pola revisión do editor.

Un último dato que extraemos desta base de datos son as 10 revistas cun maior número de publicacións en acceso aberto asinadas por membros da UDC nos anos sinalados:

En Scopus atopámonos cunha situación similar: hai un aumento constante das publicacións en acceso aberto ao longo da última década, dende os 43 documentos do 2008 ata os 273 do 2018: 

Por áreas de investigación, no seguinte gráfico de Scopus observamos que a Medicina é a área cun maior número de documentos en acceso aberto, seguida da Bioquímica, Xenética e Bioloxía Molecular:

Nesta base de datos, as 10 revistas cun maior número de publicacións en acceso aberto asinadas por membros da UDC nos anos sinalados son:

Aínda que este post está centrado na análise das publicacións en acceso aberto da UDC presentes na WoS e Scopus, non podemos rematalo sen facer referencia ao repositorio institucional da UDC, o RUC, que ofrece acceso aberto ao texto completo de documentos creados polos membros da UDC no seu labor de investigación e docencia.