Desde a nosa sección organizamos un novo curso dirixido ao PDI, Como se fai unha tese e outros escritos académicos. O total das prazas dispoñibles para o día 22 de outubro, ao igual que para o 29, está cuberto xa, pero aínda podedes anotarvos para a sesión do 12 ou do 21 de novembro, que terán lugar na aula 2 do edificio Xoana Capdevielle, en horario de 09.30 a 15.00 h, aquí tedes o formulario de inscrición.
Neste curso trataranse, entre outros temas:
- As vantaxes de publicar traballos nun repositorio, como o RUC da UDC, que son: a grande visibilidade que se lles dá na web; que proporciona a estes traballos unha ligazón permanente que pode ser referenciada facilmente noutras publicacións; e que ofrecen un arquivo seguro e perdurable.
- As buscas en webs e bases de datos de teses españolas e estranxeiras, como por exemplo:
- Teseo: permite recuperar as referencias de todas as teses de doutoramento lidas e consideradas aptas nas universidades españolas desde 1976.
- DART-Europe: con teses publicadas en Europa en formato electrónico.
- Proquest Dissertations and Theses A&I: recolle todas as teses lidas en EEUU.
- Networked Digital Library of Theses and Dissertations (NDLTD): biblioteca dixital de teses na que participan universidades de todo o mundo.
No hay comentarios:
Publicar un comentario