Esta semana
integramos no sitio web da Biblioteca da UDC as Guías Temáticas (Fiador),
elaboradas polos bibliotecarios da Universidade coa ferramenta open source SubjectsPlus, elixida e
implementada polo Consorcio de Bibliotecas Universitarias de Galicia (CBUG- bugalicia)
para a organización dos recursos electrónicos das tres universidades galegas.
Páxina de busca de guías
Os
bibliotecarios especializados das distintas bibliotecas da UDC encargáronse de
seleccionar os recursos electrónicos de todo tipo (bases de datos subscritas
pola BUDC, recursos web, materiais en acceso aberto) máis importantes e
valiosos nos ámbitos científicos aos que se extende a súa colección: resultado
de dita selección son as Guías.
Exemplo de guía
As páxinas
que Fiador dedica a cada Guía organízanse en: Cabeceira, Lista dos elementos
seleccionados agrupados por tipo de recurso, información da biblioteca e datos
dos bibliotecarios especializados na materia e outros cadros (de procura,
información, consultas e suxestións).
Pero as Guías
compoñense fundamentalmente de Recursos; deles falaremos no seguinte post.
No hay comentarios:
Publicar un comentario