O desenvolvemento orixinal da WWW deu lugar nun principio a
unha explosión de información, que os motores de busca de entón como Altavista
non podían controlar. Para orientarse na rede era necesario acudir a
directorios elaborados a man como Yahoo.
Tras a crise do Nasdaq (burbulla punto com), xurdiu a Web 2.0:
das páxinas estáticas pasouse a outras máis dinámicas; da páxina persoal ao
blog que permitía a participación e os comentarios dos lectores; dos taboleiros de anuncios ou do chat (IRC,
ICQ, Messenger, etc.) as novas e cada vez máis grandes redes sociais. Google
convértese no buscador dominante grazas aos seus algoritmos de busca que
facilitan a recuperación da información; á parte ofrece moitas aplicacións e
utilidades para os usuarios que complementan o servizo de busca (Google Académico, Mapas, Traductor, entre outros). Negocios como Amazon o eBay
aproveitan o novo marco. O foco desprázase da
información ao servizo, á colaboración co usuario e entre usuarios, como base
máis sólida para para resistir futuras crises.
As primeiras utilidades web dos noventa deixaron paso as
apps (pequenas aplicacións multiplataforma) e a ferramentas 2.0 que sacan
partido da rede e permiten a interactividade e o emprego dos recursos da Web
nas actividades sociais. E a educación é unha das máis importantes. Igual que
no campo da saúde, do deporte ou da Administración, xorden neste eido aplicacións
que fan uso das novas tecnoloxías e do aumento de dispositivos de todo tipo
(smartphones, tablets) para axudar nas actividades cotiás de profesores e
alumnos: organización en axendas, xestión e edición de imaxes e información
multimedia, aprendizaxe gratuíta en liña, marcadores sociais, editores de
blogs, wikis, textos e presentacións, computación na nube que permite o
traballo colaborativo, xestores bibliográficos en liña, gamificación, creación
de cuestionarios e enquisas, uso do móbil na aula, etc.
Vimos de engadir dúas novas listas a colección de guías
temáticas en Fiador
e no sitio web da Biblioteca da UDC
cunha selección de ferramentas 2.0 de utilidade ao estudo e á docencia:
2 comentarios:
Genial!!. Muy buena recopilación
¡Muchas gracias, Ana!
Publicar un comentario