Día internacional do libro 2014

O Día internacional do libro celébrase en todo o mundo co obxectivo de fomentar a lectura, a industrial editorial e a protección da propiedade intelectual por medio do dereito de autor. Ten lugar cada 23 de abril desde 1996 tras a súa promulgación pola UNESCO en 1995.

Foi elixida esta data, o 23 de abril, porque coincide co falecemento de Miguel de Cervantes, William Shakespeare e o Inca Garcilaso de la Vega no mesmo día do ano 1616.

Actos desta celebración que tiveron e terán lugar son:

• Xornada de portas abertas na Biblioteca Nacional de España o próximo sábado, 26 de abril.
• Lectura continuada de “El Quijote” os 23, 24 e 25 de abril no Círculo de Bellas Artes de Madrid. Da lectura das primeras liñas da obra encargouse Elena Poniatowska, Premio Cervantes 2013.
• Diada de Sant Jordi en Barcelona, onde os libros e as rosas comparten protagonismo.
• En Galicia celebrouse este día con diversos actos nas bibliotecas nodais, bookcrossing nos museos e coa distribución dun marcapáxinas nas librarías, publicado pola Xunta de Galicia, para difundir a figura e a obra de Xosé María Díaz Castro, autor homenaxeado nas Letras Galegas 2014.
• Exemplos da festividade nas bibliotecas da UDC foron a liberación de libros por parte da Biblioteca da Facultade de Filoloxía ou o agasallo destes na Biblioteca da Facultade de Economía e Empresa.