Segundo o Plan Estratéxico
UDC 2013-2020, a “Universidade da
Coruña ten como finalidade contribuír ao avance cultural, social e económico da
sociedade por medio da xeración, xestión e difusión de cultura e coñecemento
científico, tecnolóxico e profesional.”
Son misións clásicas da Universidade:
- Transmitir coñecemento: docencia
- Crear coñecemento: investigación
- Conservar coñecemento: xestión e bibliotecas, arquivos e museos
- Desenvolver unha biblioteca dixital [e] fomentar a aprendizaxe en rede de universitarios e profesores
- “Desenvolver repositorios institucionais”, para “aumentar a visibilidade dos resultados da investigación”
- “Incluír progresivamente novos servizos e proxectos universitarios”.
Partindo
dunha biblioteca xa totalmente automatizada, da xeneralización na sociedade
actual da información das bibliotecas dixitais e do uso de recursos
electrónicos moi custosos, a biblioteca (polo coñecemento sobre o uso dos
sistemas de información científica –WoS e Scopus-, do movemento de acceso
aberto e a súa normativa de aplicación, das políticas de propiedade intelectual,
etc.) pode incluír un novo servizo de apoio a investigación que reúna tarefas de
asesoramento para solicitudes de sexenios, a xestión e mantemento do
repositorio institucional, fomento do seu uso e de doutras posibilidades da
Ciencia 2.0 para a difusión e o incremento da visibilidade da produción
investigadora.
O Servizo de Biblioteca da UDC está executando un proxecto para a posta en marcha dun servizo deste tipo; unha das actuacións previstas é o curso semipresencial "Estratexias para incrementar a visibilidade e o impacto dos resultados da investigación", impartido polo Servizo de Biblioteca e as bibliotecas dos centros, en colaboración co CUFIE. As súas 12 horas de duración repártense en 8 teóricas en liña a través da plataforma Moodle en en 4 prácticas en obradoiros presenciais nas bibliotecas dos centros.
A parte
teórica en liña, do
21 de setembro ao 2 de outubro, estruturase en tres unidades didácticas:
- A identificación de autor: nome e filiación
- A publicación e o acceso aberto. O repositorio institucional da UDC (RUC)
- Plataformas sociais e redes científicas
- Biblioteca da Universidade de Sevilla
- Biblioteca da Universidade de Navarra (conta cun Servicio de Bibliometría)
- Oficina de Transferencia de Resultados de Investigación (OTRI)
- Servicios de Apoyo a la investigación (SAI)
- Sistema de Xestión curricular de investigadores da UDC
No hay comentarios:
Publicar un comentario