Coincidindo cos obradoiros prácticos nas bibliotecas dos centros cos que remata o curso semipresencial "Estratexias para incrementar a visibilidade e o impacto dos resultados da investigación", nos que entre outras tareas, se están a realizar prácticas de autoarquivo no repositorio institucional da UDC (RUC), a semana próxima celébrase a Open Access Week baixo o lema “Open for Collaboration”, que fai fincapé na capacidade do movemento aberto para promover a colaboración e avanzar na investigación.
A Rede de Bibliotecas Universitarias Españolas (REBIUN), que cada ano promove a Semana Internacional de Acceso Abierto en España a través da Acción 4 do seu Grupo de Traballo de Repositorios, difunde desde a plataforma http://accesoabierto.info a Open Access Week (Obxectivo 4.1 da Acción 4) e organiza actividades propias e de cooperación con outras entidades (Obxectivo 4.2).
Ademáis, no seu portal accesoabierto.info agrúpanse recursos, actividades e noticias relacionados co open access nos seus apartados de Recursos, edicións anteriores da OAW, Repositorios REBIUN e Investigación.
A actividade principal da Semana organizada este ano por REBIUN e a UNED é a Mesa redonda en liña sobre “Ciencia colaborativa e acceso aberto: os repositorios como instrumentos de E-Ciencia” que terá lugar o 23 de octubre de 2015 as 15:00 h, e que poderá seguirse na web na ligazón https://www.intecca.uned.es
A presentación da mesa redonda ilustra e desenvolve o tema da OAW deste ano:
“Para encontrar solucións aos problemas globais que se aos que se enfronta a sociedade actual, a investigación científica xa non pode ser xestionada no antigo modelo silo de investigación. Agora, para poder afrontar los retos científicos é necesaria a colaboración de investigadores en grupos internacionais, interdisciplinarios e interinstitucionais traballando xuntos en rede hacia obxectivos comúns, compartindo coñecementos, e datos de investigación. Para que esta investigación colaborativa poda avanzar é necesario que os investigadores podan buscar, acceder, mover, manipular, reutilizar un conxunto de datos distribuído. Como parte da infraestrutura de datos que da soporte á investigación e a comunicación científica, os repositorios de acceso aberto deben converterse en instrumentos esenciais para esta ciencia en colaboración.”
Na mesa redonda reflexionarase sobre “as vías, os modelos, os retos e oportunidades que se lle presentan aos repositorios de acceso aberto como instrumentos de apoio nos novos contornos colaborativos da investigación científica.
Aparte, entre os recursos engadidos recentemente ao portal atópanse catro pósteres informativos sobre os
distintos aspectos do acceso aberto e dos repositorios.
No hay comentarios:
Publicar un comentario