NOVOS TIPOS DE REVISTAS EN ACCESO ABERTO

Previamente á Semana Internacional do Acceso Aberto tivo lugar o 12 de outubro en Bruselas o EC Workshop on Alternative Open Access Publishing Models, un seminario sobre modelos alternativos para a publicación en acceso aberto, dentro da Axenda Dixital Europea. Nel analizáronse novos modelos emerxentes que, por exemplo, permitan mellorar o sistema de revistas en acceso aberto baseado en pagos do autor para a publicación ou article processing charges. 

O sitio web da BUDC ven de engadir unha páxina dedicada aos Novos tipos de revistas en acceso aberto, distinguindo os seguintes:

Megajournals

Son publicacións que nacen no medio dixital do accesso aberto. Spinak a define como "revista académica arbitrada en acceso abierto que está diseñada para ser mucho más amplia que una revista tradicional, ejerciendo una selectividad más baja en la aceptación de artículos”. 

Overlay journals

Tim Govers anunciou recentemente no seu blog a creación da revista Discrete Analysis, unha revista superposta –overlay journal- a arXiv. Unha revista superposta non produce o seu contido: o evalúa e engade un enlace ao pre-print que sigue no repositorio ArXiv. Hai dúas revistas deste tipo xa en funcionamento: SIGMA e Logical Methods in Computer Science.

RIO (Research Ideas and Outcomes) journal posibilita a publicación de tódolos outputs do ciclo de investigación científica, dende ideas a artigos (propostas de proxectos, datos, métodos, software, informes de proxectos, etc.)  

Cun obxecto e ámbito máis reducido, surdiron xa hai años revistas de resultados negativos, como The All Results Journals (Chem, Phys,  Nano e Biol) ou o Journal of Negative Results in Biomedicine. Unicamente recollen experimentos ou artigos con resultados negativos, non aceptados ou non presentados para publicación con anterioridade. Teñen especial interese nos campos da medicina e da bioquímica.

As revistas de datos abertos "publican artigos arbitrados por pares que describen conxuntos de datos dispoñibles en aberto para a súa futura reutilización."

Ler o artigo completo