SEMANA INTERNACIONAL DO ACCESO ABERTO 2016

O lema da Semana do Acceso Aberto de 2016, que se celebra do 24 ao 30 de outubro, é “Open in action". A diferenza de edicións anteriores, este ano non se tratan aspectos concretos ou visións do acceso aberto; pásase da teoría á acción, de levar o Open Access á práctica mediante accións concretas.

A Rede de Bibliotecas Universitarias Españolas (REBIUN) difunde desde o portal accesoabierto.info a Open Access Week. Este ano ofrece e novos pósteres informativos sobre diversos aspectos do acceso aberto (ciencia aberta, open data -1, 2, 3 ,4-, repositorios)

A actividade principal da Semana 2016 foi unha Mesa redonda en liña organizada por REBIUN sobre proxectos emerxentes de xestión de datos en España que tivo lugar o pasado 26 de outubro, na que tamén se presentou o Informe sobre o cumprimento do mandato de publicación en aberto do artigo 37 da Lei da Ciencia.

Aspectos más salientables desa mesa redonda:

• Sobre os proxectos de xestión de datos do Consorci de Serveis Universitaris de Catalunya (CSUC) e o Consorcio Madroño
• O Open Research Data Pilot da Comisión Europea, proxecto piloto de datos de investigación,  deixa de ser piloto a partir do 1 de xaneiro de 2017 e amplíase a todas as áreas de Horizonte 2020, polo que os investigadores que soliciten financiamento da UE proximamente terán que contemplar o aspecto do xestión de datos
• Posta en marcha de repositorios consorciados de datos de investigación (e-cienciaDatos en Madroño ou en fase de proposta de creación no CSUC)
• Sobre o Informe sobre o cumprimento do mandato de publicación en aberto do artigo 37 da Lei da Ciencia
• Adopción do seguiente Indicador de medición de cumprimento: Artigos resultantes de convocatorias de proxectos de I+D+i nacionais, depositados en acceso aberto en repositorios institucionais / Artigos resultantes de convocatorias de proxectos de I+D+i nacionais
• Segundo o texto do informe, “só o 9% dos artigos de proxectos de I+D+i nacionais conteñen algunha información sobre o financiamento e atópanse depositados en acceso aberto en repositorios institucionais. Esta porcentaxe podería estar por baixo do dato real tendo en conta as limitacións do método de cálculo, sobre todo pola falta de estandarización nos metadatos do código de proxecto.”

Co obxectivo de plasmar esta chamada a acción a nivel internacional, a SPARC  (Scholarly Publishing and Academic Resources Coalition) creou o Open Access Week Action Portal, no que os investigadores poden escoller unha das accións concretas suxeridas pola web en apoio do acceso aberto: depositar ao menos un artigo no repositorio institucional no prazo dun ano, asinar a Declaración de San Francisco (DORA), enviar ao menos un traballo a unha revista de acceso aberto nun ano, etc.

Ler o artigo completo