O meu rexistro

Unha das xestións en liña que ofrece a biblioteca da UDC é O meu rexistro, posibilitando ós usuarios realizar determinados trámites sen a necesidade de pasar pola biblioteca.

Pódese acceder a “O meu rexistro” dende as páxinas de inicio da BUDC ou do seu catálogo, e tamén a través dos elementos do menú Xestións en liña e Accesos directos.

Será necesario indicar a seguinte información:

- Nome e apelidos

- Código de barras: correspóndese co que figura na tarxeta universitaria (case sempre será 20 + DNI sen letra)

- PIN: tamén é o da tarxeta. Se non o recordas, podes recuperalo seguindo as instrucións do seguinte enlace.

 

A través de “O meu rexistro” os usuarios poderán:

• Consultar e renovar os seus préstamos: as renovacións pódense facer sempre que o documento non fora reservado por outro usuario. Ademáis, a data de vencemento do préstamo non debe de estar sobrepasada.
• Reservar documentos, consultar e cancelar as reservas: as reservas poderanse facer sempre que os materiais estean prestados. A biblioteca avisará ó usuario por correo electrónico cando devolvan o documento e o gardará durante 48 horas para poder pasar a recollelo.
• Gardar e consultar o seu historial de lectura: ofrécese a posibilidade de gardar o histórico dos materiais que vaiades tendo en préstamo aínda que os devolvades. Soamente é necesario activar a opción “O meu historial de lectura”. Desta maneira, todo o que levedes en préstamo a partir dese momento, quedará almacenado nunha lista.
• Acceder á consulta do catálogo: a vantaxe de buscar no catálogo conectado como usuario é que permite gardar as estratexias de busca e posteriormente recibir alertas vía e-mail en base a elas.
• Seleccionar e gardar as súas buscas preferidas: unha vez feita a busca que desexe no catálogo, na pantalla dos resultados, pulsando o botón Gardar busca.
• Solicitar alertas por correo electrónico de novas incorporacións ó catálogo de documentos que coincidan coas súas buscas preferidas
• Crear listas con documentos do catálogo que lle interesen

Na guía de uso de “O meu rexistro” podedes ver cómo realizar cada unha destas accións descritas mediante exemplos en pantallas.