As feiras do libro en España, Galicia e A Coruña

1933 marca o inicio das feiras do libro en España. A primeira foi en Madrid, no paseo de Recoletos. O acontecemento incluíase dentro das celebracións dedicadas ao día do libro, no mes de abril. Na súa segunda edición denominouse “nacional e hispano-americana”. Múltiples casetas de cores lucían no paseo con altofalantes para que todas as persoas puidesen escoitar aos escritores da feira. Coa guerra civil suspéndese a feira até 1944, ano no que o Instituto Nacional do Libro (INLE) pasa a encargarse da súa organización, cun novo nome -“Feira Nacional del Libro”- e con novas datas, desde finais de maio, que se manteñen até o día de hoxe. Desde 1982 a Asociación de Librerías de Madrid en colaboración coa Asociación de Editores e a Asociación de Distribuidores (Fande) faise cargo e pasa a chamarse “Feira do Libro de Madrid”. É unha feira de gran importancia a nivel nacional e internacional ao punto que cada ano é inaugurada por un membro da familia real e acumula premios como o Premio Nacional de Fomento de la Lectura do Ministerio de Cultura, concedido en 2003 .

A feira de Madrid viaxou nalgunhas ocasións a outras cidades como Barcelona e Sevilla. Pero pouco a pouco cada cidade empezou a celebrar a súa propia. Galicia conta coas súas feiras do libro, que cada ano se celebran entre os meses de primavera e verán. Como no caso de Madrid, están organizadas pola Federación de Librerías de Galicia en colaboración coa Secretaría Xeral de Cultura da Xunta de Galicia. Buscan promocionar o libro e a lectura e dar visibilidade á nosa producción do libro galega. Para isto, constan de diversas actividades para adultos e para o público infantil –presentación de libros, contacontos, sorteos, mesas redondas, firma de libros- que atraen cada día á cidadanía. Comezan en Verín, chegan ás principais cidades e vilas galegas e rematan en Monforte a finais de agosto.

Na Coruña, no verán de 1966 o xefe do Departamento de Difusión do INLE xunto cos libreiros, editores e distribuidores da cidade, acordaron celebrar a nosa primeira feira, entre o 30 de xullo e o 10 de agosto. Baixo o lema “Un libro para cada coruñés e cada coruñesa”, foi inaugurada por Guillermo Díaz-Plaja, daquela director do INLE, e polo Ministro de Información, Manuel Fraga. Atopábase como hoxe nos xardíns de Méndez Núñez e presentáronse 27 casetas de editoriais e librarías da Coruña, Bilbao, Madrid e Barcelona. Abría de 11 a 14 e de 17:30 a 23 e facía un 10% de desconto. Na súa segunda edición, en 1968, o lema foi “A amizade dos pobos a través dun libro.” Presentáronse 40 editoras e sete librarías coruñesas. O libro máis vendido foi o unha Guía de La Coruña, de Miguel González Garcés. Se hoxe recibimos papeletas para un sorteo de libros, naquel entonces as mulleres recibían un caravel, os homes un cinseiro e os cativos e as cativas un cómic. Tamén elixíase á Dulcinea da Feira pola súa beleza entre as mulleres que formaban a corte da raíña das festas. O día 1 de agosto comezou a 47ª Feira do Libro da Coruña e pechará hoxe venres. Na actualidade, estes actos xa non se celebran mais seguimos gozando do 10% de desconto, sorteos e outras moitas actividades.
Este ano a feira conta con redes sociais propias en twitter  https://twitter.com/FDLCoruna , Instagram
https://www.instagram.com/feiradolibrocoruna/, y en el canal de youtube donde se cuelgan vídeos
https://www.youtube.com/channel/UClwaXMRybW5Dy7nMdJ99vuw/

Na actualidade, España organiza moitas feiras e participa noutras no exterior que contribúen a levar a nosa cultura a outros países.