O impacto da actividade científica da UDC: actualización 2019

Continuando coa análise da actividade científica da nosa universidade, nesta entrada do blog mediremos a repercusión da produción científica da UDC mediante a análise de citas da Web of Science (Wos).

Limitamos a produción aos anos 2011-2019. Neles e segundo a WoS, publicáronse 9.982 títulos:  

Vemos que a cifra mantense estable nos últimos anos, cunha pequena subida no último ano:

anos	2011	2012	2013	2014	2015	2016	2017	2018	2019
publicacións	814	847	909	834	1221	1258	1304	1326	1469

No seguinte gráfico pode verse para cada ano o número de citas que recibiron os documentos da UDC publicados nese período, que é progresivamente máis alto:  

anos	2011	2012	2013	2014	2015	2016	2017	2018	2019
citas	280	1529	3395	5457	7944	10749	14142	17816	22591

Tamén son relevantes os índices h anuais, que establecen un número concreto de artigos publicados nun ano que ao longo do tempo foron citados ese número concreto de veces:

anos	2011	2012	2013	2014	2015	2016	2017	2018	2019
Índice h	50	49	42	39	39	35	27	23	10

No período 2011-2019 o índice h é 81, a mesma cifra que o ano pasado no estudo do período 2009-2018.

Nos últimos anos (2017-2019), o índice h diminúe bastante porque foi calculado cando os artigos apenas tiveron tempo de ser citados. Un reconto posterior dos índices ofrecerá valores comparables.

Do informe de citas tamén se poden extraer os seguintes índices de impacto:

Número de citas recibidas polos artigos da UDC indexados nos SCI, SSCI, A&HSCI da WoS: 87.119 (79.466 na análise do pasado ano).

Media de citas por ítem indizado na WOS: 8,73 (8,14 na análise do pasado ano).

Para estudar o impacto da produción científica da UDC tamén é importante analizar os datos do Informe 2019 do Observatorio IUNE concernentes á UDC. Como xa recollimos hai uns meses os datos do Informe 2019 e para non reiterar a información, limitámosnos a ofrecer esta ligazón ao post do blog coa análise do último informe.