Dentro do marco das Festas de María Pita 2022, o luns 1 de agosto ás 12:30h inaugúrase nos Xardíns de Méndez Núñez a 51ª Feira do Libro da Coruña. O seu lema nesta ocasión é común a todas as feiras do libro galegas, “Movémonos cos libros”.
A inauguración corre a cargo de Bibiana Candia, poeta a
escritora coruñesa.
Lugar: Xardíns de Méndez Núñez
Horario: De 11:00 a 14:00 h e de 17.30 a 21.30 h
Desde o seu comezo en 1966, cando o o xefe do Departamento de Difusión do INLE e os editores e distribuidores da cidade decidiron celebrar a primeira feira, viuse celebrando sen interrupción, no mesmo lugar e polas mesmas datas, aínda que nos seus comezos era bienal. O número de casetas foi variando. Nesta edición contamos con 30 casetas, das que 19 son librerías e 11 son editoriais:
Nobel A Coruña Editorial Canela / Libros Lar Libraría Arenas Alvarellos Editora Libraría Pedreira Libraría Cortizas M. Moleiro – El arte de la perfección El Faro de los Tres Mundos Libraría Xiada Libraría Aenea Libraría Lume Metropolis Comics Coruña Cartem Moito Conto Libraría Formatos
|
Santos Ochoa Couceiro Librarías Libraría Berbiriana Alita Comics Libraría Azeta Komic Libraría Ediciones del Viento Hércules Ediciones Bululú Libros A Gata Tola Libraría Troa-Avir Edicións Embora Consorcio Editorial Galego Eneida Editorial Editorial Galaxia
|
Desde o comezo houbo agasallos para os compradores: para as mulleres, unha rosa, para os homes un cinseiro e para a cativería un cómic. Hoxe gozamos do 10% nas compras. Outras curiosidades como a elección da “Dulcinea da Feira”, muller que destacaba pola súa beleza entre as mulleres que formaban a corte da raíña das festas, foron desaparecendo.
Desde 1974 a feira coincide nas datas coa Feira de Artesanía de Galicia. Jaime Hervada, alcalde naquelas datas sinalaba: “Estamos inaugurando la feria de la cultura, representada por el libro y por la artesanía gallega”.
Dentro da programación, todos os días desenvólvense múltiples actividades para todos os públicos, sinaturas de exemplares, charlas, presentación de libros, obradoiros, concertos e contacontos. Entre eles, desexamos destacar este coloquio onde ciencia e literatura daranse as mans. O sábado 6 ás 19.30 h na carpa 2:
Literatura e ciencia. Coloquio entre Estíbaliz Espinosa, Jorge Mira, Iria Veiga e Ariana Fernández Palomo con Ana Correas, coordinadora do Muncyt, sobre ciencia e literatura.
Para estar ao tanto das feiras do libro invitámoste a seguir o seu Twitter e o seu Instagram.
As feiras do libro seguintes as tedes na súa axenda.
No hay comentarios:
Publicar un comentario