viernes, 9 de agosto de 2013

Nova web da Biblioteca da UDC


O pasado mes de xuño estreamos a nova web da Biblioteca, coa que nos incorporamos á imaxe institucional da Universidade da Coruña. A páxina pretende ser así máis clara nos seus contidos que a anterior.

Na portada incluímos:
- Tres caixas de busca: a do catálogo, a do RUC (repositorio institucional), e a do Google Académico.
- Acceso directo ao máis demandado da Biblioteca, como ‘o meu rexistro’, os recursos electrónicos (bases de datos, revistas e libros), Dialnet e como ‘acceder desde fóra da UDC’.
- Un apartado de soporte á investigación e á aprendizaxe con recursos de información e servizos de apoio.

Na columna da esquerda temos ligazóns a ‘información xeral’ das bibliotecas, do seu persoal, normativas, etc.; ‘recursos de información’ que inclúen bases de datos, revistas electrónicas, libros electrónicos e outros recursos; ‘servizos’ que se ofrecen nas bibliotecas; ‘xestións en liña’ que se poden realizar sen ter que acudir á Biblioteca en persoa; ‘axuda’; e ‘outras ligazóns’ de interese. Dentro de cada un destes apartados existe o enlace ‘a un clic’ desde onde accedemos directamente ao catálogo, a ‘o meu rexistro’, aos ‘xestores bibliográficos’, etc.

Á dereita aparece un apartado de actualidade onde colgaremos información sobre os recursos novos e en proba, cursos de formación para persoas usuarias da biblioteca e outras novidades.

No hay comentarios: