Redes e comunidades científicas

As redes sociais científicas son plataformas específicas para investigadores que funcionan da mesma forma que as redes de ámbito xeral, pero nas que só participan persoas que realizan de forma regular proxectos de investigación.

Estas comunidades científicas ofrecen información sobre o perfil dos usuarios, os seus intereses de investigación, actividades nas que traballan, etc.

O seu obxectivo é promover a colaboración e o intercambio de coñecementos entre o persoal investigador e as institucións, facilitando a difusión e o acceso á ciencia.

En xeral, estas redes científicas permiten:

• Xestionar lecturas e favoritos.
• Compartir bibliografía.
• Acceder ao texto completo de documentos.
• Buscar persoas e construír grupos con intereses afíns.
• Acceder a novas científicas.

Algunhas das redes científicas máis coñecidas son: Academia.edu; ResearchGate; Mendeley Research e ResearcherID, entre outras.

Tedes máis información sobre as redes e comunidades científicas na nosa páxina web: http://www.udc.es/biblioteca/servizos/apoio_investigacion/servizos_apoio/difundir/redes_sociais.html