Como comentabamos a
semana pasada, un dos servizos que ofrece a biblioteca é o de formación de
usuarios. A través deste servizo a biblioteca pretende conseguir que os
usuarios coñezan e utilicen cada vez máis os nosos recursos. Como resultado do
uso destes mellorará a calidade do aprendizaxe do alumnado e a capacidade investigadora do persoal docente e
investigador. Para iso ofértanse diversos cursos, dende os de iniciación para
alumnos ata outros máis avanzados e especializados para doutorandos e PDI.
Ademáis dos cursos
ofertados dende o Servizo de Biblioteca, as bibliotecas das facultades e
escolas realizan, ao comenzo do curso académico, sesións de presentación,
dirixidas principalmente ao novo alumnado, nas que fan unha breve visita guiada
á biblioteca, explícase o uso do catálogo e os servizos que se ofrecen, entre
outras cosas. Tamén ó longo do curso moitas delas imparten cursos orientados a
axudar ao alumnado, por exemplo, co traballo fin de grao no que respecta ás
buscas de información, citar no texto e elaborar a bibliografía, etc.
Actualmente,
o Servizo de Biblioteca imparte mensualmente os seguintes cursos, os cales teñen
unha duración de 10 horas (6 presenciais e 4 online a través da plataforma
Moodle). Ademáis, teñen outorgado un crédito por actividades propias no
marco do Espacio Europeo de Enseñanza Superior (EEES):
- Recursos e utilidades documentais para o traballo de grao
- Recursos e utilidades documentais para a tese e outros traballos académicos: enfocado a doutorandos e PDI interesado
Estes dous
últimos son de moito interese para o PDI, xa que neles poderán coñecer como
identificarse como investigador, como saber que revistas teñen máis impacto á
hora de publicar, etc.
A inscrición
a estes cursos realizarase a través da web da biblioteca na seguinte ligazón. Na sección
de actualidade da web, así como a
través das nosas redes sociais (Facebook, Twitter), damos
conta mensualmente das datas de impartición dos mesmos.
Tamén para o
PDI e alumnado de doutoramento é de interese o curso Estratexias
para incrementar a visibilidade e o impacto dos resultados da investigación, curso teórico-práctico,
con talleres aos investigadores en tódolos centros universitarios, que xa vai
pola súa terceira edición.
En
definitiva, o obxetivo principal destes cursos é a adquisición de competencias
no uso dos recursos que dispón a nosa biblioteca universitaria.
No hay comentarios:
Publicar un comentario