O servizo de préstamo
ten por finalidade optimizar o uso da colección da UDC, permitindo que os
usuarios da biblioteca poidan ter os documentos durante un tempo limitado. Para
acceder a este servizo hai que presentar a tarxeta de usuario (ou no seu
defecto o DNI ou pasaporte). O número de obras que poden ser solicitadas en
préstamo e a duración deste variará en función da tipoloxía de usuario á que se
pertenza:
-
Estudantado de grao, 1.º e 2.º ciclo e senior; PAS: 6 obras / 10 días
- Estudantado de doutoramento: 25 obras / 21 días
-
Estudantado de másteres, proxecto de fin de grao ou fin de carreira: 10 obras / 21 días
- PDI, profesorado visitante: 100 obras / curso académico
-
Persoal bolseiro de investigación e persoal investigador contratado: 25 obras / curso académico
-
Usuarios autorizados externos: 3 obras / 10 días
O préstamo poderá ser
renovado indefinidamente salvo que as obras foran solicitadas por outra persoa.
As renovacións pódense facer a
través de 'O
meu rexistro', por teléfono ou persoalmente en
calquera das bibliotecas.
En canto ás reservas, pódense facer tantas como
exemplares se podan sacar en préstamo, e sempre de documentos que se atopen
prestados. Igualmente, poderán facerse a través de 'O meu rexistro'
ou a través do persoal da biblioteca.
A maioría dos materiais
son susceptibles de ser prestados aínda que algúns soamente se poderán consultar
na biblioteca, como as obras de referencia, revistas e outras publicacións
periódicas, material cartográfico, teses, memorias de licenciatura e proxectos
fin de carreira non publicados ou documentos antigos.
A biblioteca tamén
facilita que os usuarios, a través da súa biblioteca, podan
solicitar en préstamo os fondos doutras bibliotecas da UDC sen necesidade de desprazarse:
é o denominado préstamo intercentros.
En caso de que o
usuario necesite un documento que non forme parte das coleccións da bibliotecas
da UDC, mediante o préstamo
interbibliotecario poderán solicitarse a outras bibliotecas aqueles
documentos (orixinais ou copias) que non teñamos. O funcionamento deste tipo de
préstamo ríxese por unhas regras concretas que podedes consultar nesta ligazón.
Algunhas das
bibliotecas da UDC ofrecen ademáis do préstamo habitual de libros e documentos,
o de lectores de libros electrónicos
(a duración do préstamo é de 15 días e poderá ser renovado por outros 15, se
non hai usuarios en listaxe de agarda) e o de ordenadores portátiles (a duración do préstamo é de 4 horas, aínda que poderá ser renovado por outras 4 se
non hai usuarios en listaxe de agarda).
No hay comentarios:
Publicar un comentario