Aproveitando estes meses de
vacacións, dende o Servizo de Biblioteca queremos impulsar unha das misións da
UDC (a formación dunha cidadanía aberta, culta, crítica, comprometida,
democrática e solidaria, capaz de analizar a realidade, diagnosticar problemas,
formular e implantar solucións baseadas no coñecemento e orientadas ao ben
común), promocionando a lectura e recomendándovos algunhas ideas para este
verán.
Son múltiples os listados de
recomendacións de libros que aparecen nesta época do ano dende diversos medios.
Por exemplo, o suplemento cutural Babelia do xornal El País, ofrece no seu artigo “87
lecturas para el verano” suxestións dun total de 24 expertos en distintas
materias e xénero, dende literatura en español ou novela negra, ata viaxes,
ciencia, etc. Outros exemplos son os artigos “Estos
son los libros del verano” no suplemento Fugas de A Voz de Galicia ou “Diez
libros para llevar en vacaciones”, na sección de cultura do ABC.
Tamén dende a rede social e blog
Quelibroleo propoñen “40
libros ambientados en lugares para visitar durante las vacaciones”, nos que
se inclúen varias obras de recente publicación.
Ademáis destes listados, podedes
ter en conta as seccións BIC (Biblioteca
de Interés Cultural) das bibliotecas dos centros, nas que atoparedes
lecturas para todos os gustos, como novelas, ensaios, cómics, etc.
Así mesmo, con motivo do aniversario
esta semana do falecemento hai dous séculos da escritora Jane Austen, queremos mencionar algunhas lecturas da mesma.
Diversos xornais fanse eco da súa vida e obra, como estes artigos publicados
esta semana no País
ou na Voz
de Galicia.
Continuando con esta escritora, a
biblioteca da UDC está suscrita á base de datos LION
(Literature Online), que contén unha enorme colección de obras a texto completo
de literatura en lingua inglesa. Entre elas, as edicións de Penguin Classics de
Jane Austen.
Outras coleccións de libros
electrónicos suscritas pola UDC nas que poder atopar lecturas para este verán
serían E-libro.
Colección Cátedra, que ofrece unha área temática dedicada á literatura, ou Ebook
Collection (EBSCOhost), que tamén contén unha sección de ficción, pero con
moi poucos libros en español.
No hay comentarios:
Publicar un comentario