Os datos enlazados (linked data) son a forma que ten a web semántica
de vincular os distintos datos que están distribuidos na web, para que poidan estar
interconectados e ser máis útiles. Isto supón un novo modelo que pretende
explotar a web como un espacio global de información no que a navegación se
realiza a través de datos estructurados enlazados en vez de realizarse a través
de documentos.
Durante os últimos anos surxiron numerosos proxectos
relacionados cos datos enlazados aplicados a bibliotecas:
No caso de España, podemos citar o portal de datos da BNE, que incorpora tódolos
datos que o usuario pode encontrar no catálogo tradicional, aínda que non tódalas
capacidades e busca do catálogo. A súa función principal é facer os datos máis
visibles na web, de forma que os usuarios chegan directamente ao contido dende
os buscadores. Por exemplo, facendo unha busca en Google por “Juan Benet BNE”,
o primeiro resultado que se amosa é precisamente deste portal de datos. Tamén
se inclúe información que non está no catálogo tradicional, obtida de fontes
externas, como os datos biográficos de autores (extraídos automáticamente de
Wikipedia), enlaces equivalentes noutras bases de datos internacionais, enlaces
a exemplares dixitalizados na Biblioteca Digital Hispánica, etc.
Xa no ámbito internacional, pódense citar os proxectos da
Biblioteca Nacional de Francia (BNF) e da Bristish Library (BNB):
Data.bnf.fr é o servizo de datos enlazados da
BNF, gañador do Stanford Prize for Innovation in Research Libraries. Componse
de listas despregables e listados de conceptos (autores, obras e temáticas).
bnb.data.bl.uk correspóndese co servizo da BNB, que
permite acceder ao catálogo e as coleccións por varias interfaces: por Sparql,
que permite ao usuario o uso dun editor, ou por busca avanzada mediante texto
plano.
Como conclusión, sinalamos que dende numerosos artigos se
destaca que os datos enlazados proporcionan unha maior posibilidade de ser
descubertos por buscadores e navegadores, aumentando así a visibilidade dos
catálogos das coleccións.
No hay comentarios:
Publicar un comentario