Como sinala Concha Varela Orol no
seu artigo Bibliotecas galegas: enredad@s
co patrimonio?, crear contidos na rede implica traballar contidos non só
nos espazos propios como a web, blogs, redes sociais, etc., senón que tamén
implica saír a outros nodos de contidos para estar presentes con información de
calidade. Cita como exemplo desto último as wikipedias, pola súa importancia
como traballo colaborativo e uso na rede. Por iso, dedicamos este post a
analizar a presenza das bibliotecas na Wikipedia, así como na súa equivalente
en galego, Galipedia.
A Wikipedia é unha
enciclopedia libre e editada de forma colaborativa creada en 2001. Unha das
súas características principais é que os seus artigos foron redactados conxuntamente
por voluntarios de todo o mundo e que calquera persoa previamente rexistrada
pode editalos.
Isto orixinou moita controversia
sobre a súa fiabilidade e precisión. No blog de Baratz precisamente sinalan ao
respecto que por un lado están os que pensan que a información que se publica na
plataforma non reúne os requisitos como para ser considerada unha fonte fiable
pola falta de autoría, obxetividade… pero por outra banda están os que dan maior
importancia a participación colectiva para a creación de contidos de calidade e
a rápida actualización.
De feito, un estudo elaborado pola
revista Nature mostrou que a Wikipedia
pode ser tan confiable como a Enciclopedia Británica.
Centrándonos xa na presenza das
bibliotecas nela, son moitas as bibliotecas universitarias que teñen o seu
artigo na Wikipedia: Complutense de Madrid, Córdoba, Extremadura, Carlos III,
Las Palmas, Zaragoza etc. A maioría delas seguen un mesmo esquema: historia, estrutura,
colección e servizos, ademáis de incluir enlaces externos a outros recursos ou
servizos delas. No que respecta á cidade de A Coruña, teñen presenza as Bibliotecas
Municipais, a Biblioteca
Provincial da Diputación de A Coruña ou a Biblioteca
Pública de A Coruña Miguel González Garcés.
Pola súa parte, a Galipedia, creada en 2003, é o
nome co que se coñece a Wikipedia en galego. Teñen tamén presenza nela as
anteriomente citadas Biblioteca Provincial da Diputación de A Coruña e a Biblioteca
Pública de A Coruña Miguel González Garcés. Inclúese tamén a Biblioteca
da Universidade de Santiago de Compostela.
Para finalizar o post, anunciamos
que actualmente estamos traballando na redacción dunha entrada informativa sobre
a nosa biblioteca tanto na Wikipedia como na Galipedia, da que próximamente
teredes noticias.
No hay comentarios:
Publicar un comentario